Топлата сезона која одамна остана зад нас се карактеризираше со романтичност, женственост и нежност, но со опаѓањето на температурите стилистите препорачуваат посилен и малку поагресивен изглед. Косата придобива подраматичен волумен, шишките стануваат побујни и паѓаат над веѓите, локните не се идеално дефинирани, плетенките се похаотични...

Коњското опавче станува новата плетенка, т.е. едноставното собирање на косата е поактуелно од кога било досега.

Ѕирнете во трендовите кои ќе ве инспирираат да го промените стилизирањето на косата во текот на преостанатите есенски и претстојните зимски денови.

Коњско опавче во секаков облик

Коњското опавче ги освои модните писти во сите форми и стилови. Високо или ниско, совршено обликувано или разбушавено со екстра волумен, собрано со едноставно ластиче или украсено со впечатлив моден додаток...

Асиметричен „рок“ изглед

Сплетете една или неколку плетенки на левата страна и оставете го останатиот дел од косата слободно да паѓа на вашите рамена.

Асиметричниот изглед на косата придонесува за подрзок и похрабар изглед, особено кога косата на едната страна е потстрижана пократко отколку на другата.

Шишки над веѓите

Шишките кои ги кријат веѓите не изгубија од својата популарност и продолжуваат да убедуваат сè повеќе и повеќе дами смело да го искористат нивниот шарм. Освен што се модерни, тие и бришат години, па воопшто не е чудно што славните ги прифатија со раширени раце.

Ретро волумен зад тенко венче

Преферирате поелегантна и дамска облека? Тогаш во вашиот стил идеално ќе се вклопи тапирана фризура со волумен, тренд којшто го воскресна Каролина Ерера.

За уште посилен ретро изглед комбинирајте ја оваа фризура со шминка мачкини очи.

Нецелосно оформени локни

Совршено обликуваните локни ни приближно не се толку актуелни како половичните локни. Косата со нецелосно оформени локни изгледа гламурозно, но и релаксирано, а вие не делувате како да сте трошеле часови за да го стилизирате секое влакно.

Кратка и немирна

За разлика од минатата сезона, кога кратката коса беше залижана и зачешлана на едната страна, во новата студена сезона не треба да се воздржувате да ставите капа со страв дека ќе направите неред на главата. Немирната коса со динамична текстура е за претпочитање.

Недефинирани плетенки

Плетената коса сè уште плени со интересната текстура, но плетенките стануваат похаотични и недефинирани. Не мора да сте вешта „плетачка“ за да го носите овој тренд. Не ги стегајте прамените додека плетите за да зачувате што поголем волумен.

Вртени прамени

Преку глава ви е од плетенките, но сепак сакате нестандардна игра со прамени? Тогаш сигурно ќе посакате да експериментирате со вртење на прамените – тренд којшто ненадејно ги преплави модните писти.

Задолжителна лекција е плетенката тип јаже, создадена од вртење и плетење на два прамени. Но, ако целите кон нешто поедноставно и поромантично, издвојте два прамени од над слепоочниците, навртете ги и фатете ги со шнола на задниот дел од главата.

Воочливи модни додатоци

Украсени шноли, ластици со метални детали, венчиња со платнени или пластични декоративни форми... Накитете ја вашата коса со впечатлив моден додаток и нема да имате потреба од екстравагантна фризура, дури ни за најсвечените пригоди.

Коса „одвеана од виорот“

Подзаборавете на четката за коса и оставете ги вашите прамени да се разделат едни од други. Колку полежерно изгледа вашата коса, толку подобро, особено кога ја заштитувате главата од студот со капа.

При секое поминување на куќниот праг важно е како сте ја стилизирале косата, затоа што фризурата има моќ да го трансформира целосниот изглед. Секоја промена на косата е забележлива, па никогаш не може да има премногу фризури меѓу вашите тајни за убавина.

Сега, кога пред нас се бројни прослави и друштвени средби, особено корисно е да умеете да направите барем 5-6 брзи и впечатливи фризури кои со минимален напор ќе ви го дадат посакуваниот ефект.

Да, коњското опавче е ултра модерно, но многу позабавно е постојано да изненадувате со динамични фризури кои привлекуваат погледи. Следуваат неколку фото и видео туторијали за фризури кои ќе ве инспирираат да ги испробате уште денес, со цел да ги селектирате фризурите кои ќе ве разубавуваат на претстојните забави.

1. Плетенка која завршува со пунџа

Наместо сунѓер во форма на крофна, можете да искористите чорап за да направите кружна форма.

2. Рок стил

3. Висока пунџа со венче / 4. Романтични локни

5. „Плетенка“ со врзување

6. Бохо плетенка „Блејк Лајвли“

7. Тројна плетенка

8. Бохо задна плетенка

9. Рок плетенка

10. Романтичен твист

11. Елегантен твист

12. Протнато коњско опавче

13. Модерна панделка

14. Плетенка со протнување

15. Лажен боб

Не мора навистина да ја потстрижите косата за да имате драстично нов изглед. Имитирајте „боб“ фризура. Уште подобро би било ако косата ви е пострижана на слоеви. Најкратките прамени ќе можете да ги извиткате и да создадете брановиден боб.

16. Ретро испирација од „Mad Men“