Брз вкусен ручек: Мисиркино месо во сланина на италијански начин

Како доаѓаат новогодишните и божиќните празници, така ние имаме се помалку време за секојдневно готвење и средување. Во овој период од годината луѓето ја планираат трпезата за овие два празници, а помалку време посветуваат на секојдневната исхрана. Па еве една одлична идеја за брз ручек.

Состојки за 4 лица

4 парчиња мисиркино месо

75 грама пире од домати

1 жолчка од јајце

4 лажици презла

4 парчиња сланина

сол

мелен бибер

свежа мајчина душица (може и сува)

Подготовка

Жолчката, пирето од домати се мешаат заедно со 4 лажици презла, а со тоа се премачкуваат парчињата од мисирка, кои претходно малку сте го истолчиле и зачиниле.

Потоа парчињата посебно замотајте ги во сланина и прицврстете ги со чачкалици за да не се растурат. На крај посипете ги со мајчина душица.

Така подготвените парчиња ставете ги на врело масло и пржете ги 8 до 10 минути со повремено вртење.

Готовото мисиркино месо послужете го со ориз во кој ќе додадете малку мајчина душица и сезонска салата.

Рецепт за пилешки прсти - да си ги излижете рацете

Пилешко е едно од најчестите видови на меса кое се користи за подготовка на вкусни различни јадења. Освен класичната подготовка со солена храна, тоа може да се комбинира и на малку поневообичаен начин, со слатки или кисели сосови. Ви донесуваме едноставен рецепт поради чиј вкус и брзата подготовка нема да можете да му одолеете.

Состојки:

- 300 грама пилешки гради сецкани на коцки

- 2 лажици густина

- 2 лажици брашно

- Масло за пржење

- Сусам

- 1/2 лажици сос, соја

- 1 лажица густин

Сос:

- 3 лажици сок од лимон

- 2 лажици шеќер

- 5 лажици вода

- 1 лажица густин

- сол по вкус

Подготовка:

Пилешкото гответе го 30 минути. Сите состојки за сосот измешајте ги и оставете го на страна. Зготвеното пилешко посолете го со брашното и густинот. Во длабока тава загрејте го зејтинот за пржење. Кога маслото е доволно жешко ставете го пилешкото и пржете го неколку минути додека да добие златна боја. Кога ќе биде готово пилешкото извадете го и оставете го на страна за да се исцеди маснотијата.

Загрејте го сосот во мало тендџерџе додека не зоврие. Додадете го пилешкото во сосот и добро измешајте. На крајот посипете го сусамот врз пилешкото и послужете го додека е топло.