Груевски: Народот е на наша страна

Мое интимно чувство е дека не планирам и не сакам да бидам премиер на Влада по секоја цена и да правам секакви компромиси само за да ја задржам позицијата. Каде е сценариото во сето ова. Што очекувавте, зарем треба да се молчи. Додека јас сум премиер такво нешто нема и нема да има.

Груевски рече дека опозицијата овие денови постојано спомнува сценарија и фингирани настани и го запраша СДСМ на што ги потсетуваат овие зборови.

- Мене на гостиварските настани кога беа претепани луѓе по улици, а во позадина се случуваше девалцавација која ги осиромаши граѓаните. На времето кога немаше воопшто субвенции, надворешен долг од 40%, платите беа за 25 отсто помали, пензиите за 30 отсто, а во меѓувреме го продадовте и ЕСМ и покрај противењето на народот и јасните сознанија дека цената на струјата ќе порасне. Кога фингиравте случаи и уапсивте полициски генерали и го убивте Диме Поштарот. Шверцот на нафта профитираше со милионски суми, за кои до ден денес балканските шверцери раскажуваат. Го сменивте името и знамето.  Се гледате низ призмата на сценарија зошто вашиот претседател со такви сценарија се одржува на политичката сцена, рече Груевски.

Тој рече дека опозицијата греши, дека нема никакви сценарија, туку има принципиелни разлики кои уште постојат, кои испливале на површина.

-Настанот во Слупчане беше контрапродуктивен и ако целта беше помирување тоа не се сфати така. Тоа е нешто неприфатливо. Му го кажав тоа директно на Бесими. Промената на таблите по насилен пат  е акт на провокација. Ставањето провокативни имиња не придонесува во градење на доверба. МОН поведе судска постапка за разрешување на овој случај, институциите треба да го решат, а одлуката мора да се почитува, рече Груевски.

Тој додаде дека промената на таблите нема да го крене рејтингот на ниту една политичка партија, а интонирањето на химната на Албанија може да се смета за провокација.

-Раните не се залечени, мораме претпазливо и со почит да ги креираме сите наши постапки. Нашето општество е кревко, мора внимателно да постапуваме. Вакви проблеми не треба да се решаваат со шепотење, рече Груевски и повтори дека не смета оти треба да се донесе Закон за борците на ОНА.

Тој повтори дека реализирани се над 2.300 проекти, ќе бидат реализирани уште над 1.000 и на избори владејачката партија ќе излезе со програма и со отчет.

-Не даваме лесни или лажни ветувања. Делата се видливи, конкретни и реални. Пред кризата имавме најголеми стапки на раст од околу 6%. Странските гринфилд инвестиции инесуваат 1,5 милијарда евра од 2006 година. Просечната нето плата е покачена за 52 отсто, пензиите за 32 отсто. Не зголемивме ниту еден данок, денарот е стабилна и респектабилна валута без опасност од девалвација. Субвенциите се на највисоко историско ниво. Оваа година се 135 милиони евра, другата 135, наспроти 5 милиони евра на СДСМ. Буџетскиот дефицит е меѓу најниските во Европа, рече Груевски.

Во однос на обвинувањата од опозицијата дека Македонија е заглавена во евроинтегративниот процес, Груевски рече дека Владата на која е премиер има три по ред позитивни извештаи, има три препораки од ЕК за определување на датум за почеток на преговорите. Има обезбедено визна либерализација. НАТО на два самити по ред потврдува дека Македонија е спремна за членство, кога Грција ќе се согласи на тоа.

-Ќе продолжиме да работиме на соживот со јавно и гласно дискутирање врз основа на владеење на правото. ЕК го цени напредокот врз основа на реформите на Владата. Овие факти се директен демант на сите лажни тези. Јавно ќе ве прашам вас од СДСМ, зошто од 2002 до 2006 не ги исполнивте условите за членсво во ЕУ и НАТО. Што не го решивте проблемот со името во тој период. Убеден сум дека новиот Извештај ќе покаже дека имаме позитивни движења, се надевам дека тоа ќе биде најпозитивниот извештај до сега. Тоа ќе го каже не СДСМ, туку ЕУ, рече Груевски.

На крајот од својот говор Груевски им порача на пратениците да гласаат по сопственото убедување.

-Не посакувам предвремени избори, но резултатите се јасни, тоа го кажа и Тито Петковски. Повторно ние и ДУИ ќе ја добиеме довербата. Доколку се изгласа недоверба подготвен сум за избори, по сите европски стандарди за да нема алиби.  Нема од што да се плашиме, народот е на наша страна, заклучи Груевски.

друже премиере, кога преди едно 15-20 години студиравте во градот Прилеп,пајдашевте со вашиот другар Миле,за која партија бевте(поготово со него)-затоа што сега обновувате членство во ДПМНЕ,а само Миле го знаеме од која фамилија потекнува колку се тие КОМУЊАРИ и кои пари сега Миле ги внесува од Офшор компании и ако не ви Е СРАМ,на која партија бевте член,дадете отчет,а после да зборуваме за ПРАВЕДНОСТ,ЧЕСНОСТ,ЗОВЕЧНОСТ или ХИПОКРИЗИЈА.

Премиере не сте дошле овде одП.М. со вашето ПЛЕМЕ за да грабате и да не бркате од РАБОТА,СМЕ ВИ ДАЛЕ МЕСТО да живеете ,вие погледнете се во ЦРНАТА ДУША и кажете со ВАШИОТ БРАТУЧЕД МИЈАЛКОВ кои сте?

Мојата фамилија и моите страдаа по затворите за Македонија,сега ЈАС сум избркан од работа од вашите Бугарски координатори,а луѓе кои се чесни исто пострадаа под ваша ЧИЗМА, затоа не се преправајте и што е можно пбрзо обелете си го образот,зашто се пропагирате и за демоХристијанин и за човек кој ги почитува семејните и човековите вредности. Колку е вистина тоа?