НОВ ХРАМ ВО ОПШТИНА АЕРОДРОМ

Осветени темелите на црквата „Свети Јован Kрстител“

Со благослов на поглаварот на МПЦ-ОА, архиепископот г.г. Стефан вчера беше поставен камен-темелникот на црквата „Свети Јован Kрстител“, чија локација е веднаш до паркот „Аеродром“ во Ново Лисиче. Изградбата на овој православен храм е донација на фирмата „Адора инженеринг“, чиј директор е Ванчо Чифлиганец.

- Црквата ја градиме тука бидејќи како фирма овде имаме најмногу инвестирано, со инвестициски обрт од 60 до 70 милиони евра. Инвестиравме во изградба на осум елитни станбено-деловни објекти, во кои ќе живеат околу 500 семејства. Решивме да го подариме овој храм за здравје, за среќа, граѓаните и семејствата со православна вероисповед кои сега ќе имаат свое катче за верски потреби и за духовно исполнување - рече Чифлиганец.

Црквата ќе биде со сите содржини што ги има еден ваков верски објект, со површина од 100 квадратни метри, висока 15 метри, а камбанаријата 18 метри. Објектот треба да биде готов до наредниот верски празник Свети Јован, на 19 или на 20 јануари в година, кога би требало и да се одржи првата литургија. Инвестицијата за овој храм ќе чини 10 проценти од добивката на „Адора инженеринг“ од минатата година, односно најмногу до 500.000 евра.

http://www.dnevnik.com.mk/default.asp?ItemID=2622AF0FCD0B914099EB4A0772BE8641