Калиопи го „утепа“ грчкиот новинар

Нашата овогодишна претставничка Калиопи Букле на свој автентичен начин возврати на провокациите на еден грчки новинар, кој постојано повторуваше „Зошто го искористивте името Македонија?“

Спорот околу името во последните години е се поприсутен на Евровизија. Најпрвин водителката од МТВ која ја коментираше манифестацијата во моментите кога требаше да се спомне Грција, таа го користеше синонимот „нашиот јужен сосед“ или „РТВ Атина“, исто така нашата овогодинешна претставничка на Евровизија Калиопи Букле издејствува до организаторите на нејзината легитимација да стои „Делегација на Македонија“, што веројатно ги испровоцира Грците.

На видеото од грчката телевизија GossipTV новинарот упорно ја прашува Калиопи зошто таа го искористила името Македонија на пресконференцијата по двтората полуфинална вечер. Калиопи со свој автентичен начин му возврати на грчкиот новинар. Таа му кажа дека многу ја сака Грција, грчката музика, дури на момент заигра во грчки ритам. Во моментот кога Калиопи се оддалечуваше од новинарот, таа му кажа дека сепак името на нејзината држава е Македонија. Интервјуто заврши со зборовите на Калиопи „ве сакам“ и зборовите на грчкиот новинар „и јас ве сакам вас“.