Американската морнарица пред неколку денови за првпат во вода го пушти својот најнов брод разорувачот "Zumwalt", кој по изработката и својот дизајн треба да е невидлив за радарите.

Ова ново технолошко чудо чини 7 милијарди долари, со што "Zumwalt" е најскапиот и најголем брод на американската морнарица, а за борба истиот ќе биде подготвен во 2016 година.

Моментално бродот е 87% довршен, а кон крајот на следната година бродоградилиштето во Мејн ќе го испорача до американската војска.

Пред предавањето ќе следат и неколку тестови во морето, а откако војската ќе го преземе, ќе претстои период на опремување со оружје, тестови и други бројни проби, па бродот дури во 2016 година ќе биде подготвен за воени операции.

Бродот ќе биде опремен со напреден вооружен систем кој е дизајниран за лансирање на ракети со досег од 100 километри.