Хороскоп

Секој знак на зодијакот покажува одредено однесување кое го издава.

Овен
Овенот не лаже многу. Нему тоа му одзема премногу време и премногу го оптоварува сокривањето на вистината.

Бик
Често кријат дека имаат пари на сметка. Тоа никогаш не е вистина со припадниците на овој знак, па немојте да им верувате ниту збор.

Близнаци
Нив тешко можете да ги фатите во лага. Тие многу добро лажат. За да биде работата уште полоша – многу се зборливи и допадливи па нивните приказни толку ќе ве забавуваат што нема да ви биде важно дали се вистинити или не.

Рак
Кога тие лажат, тоа го прават така што ве влечат за рака, ве убедуваат дека сè ќе биде во ред и дека не треба да се грижите.

Лав
Лавовите лажењето го доживуваат како забава. Тоа го прават за да бидат забавни и за да бидат во центарот на внимание.

Девица
Ова е знак кој мрази да лаже - освен ако вистината не им стои на патот за исполнување на некоја цел.

Вага
Вагата елегантно и незабележително ви „мачка“ очи а во тоа воопшто и да не се посомневате.

Скорпија
Омилена тема за која Скорпијата секогаш лаже е сексот.

Стрелец
Повеќето Стрелци не лажат. Нивниот знак е познат по тоа што е брутално искрен. Ако имаат причина за лажење, нема да се заплеткаат.

Јарец
Ако лаже Јарецот, тогаш знајте дека тоа го мачи. Тие презираат нечесност.

Водолија
Нивните приказни се иновативни и креативни како што се и нивните техники за лажење.

Риби
Лажат само ако нешто се обидуваат да сокријат од вас „за ваше добро“. Рибите се мајстори во избегнување на реалноста и тешко ќе ги забележите нивните лаги.

Општи карактеристики

Бикот е фиксен знак и како резултат на тоа, неговите претставници во животот се водат според практичноста. Биковите се најчесто стабилни личности, кои секогаш се трудат да останат во допир со реалноста. И покрај нивната тенденција кон тврдоглаво однесување, овие луѓе знаат да бидат лојални, нежни и посветени љубовни партнери.

Бикот е првиот од земјените знаци, па токму тој е и најприземен во однос на другите два. Овие луѓе го ценат сето она кое можат да го почувствуваат со нивните сетила. Поради тоа, тие обожаваат да јадат вкусна храна, да слушаат добра музика, да помирисуваат убави парфеми и на себе да облекуваат облека од скапи ткаенини. Венера, планетата на љубовта, која управува со бикот, му дава една сензуална и природна убавина.

Карактеристики на машките бикови

Машките претставници на овој хороскопски знак не се лишени од физичката убавина. Дури и да не е толку згоден, ќе има една груба убавина и неправилни црти кои одлично ќе се вклопуваат на неговото лице. Најчесто овие мажи имаат цврсти коски и се убаво градени. Исто така, својствено за машките бикови е да располагаат со внатрешен мир и стабилност. Тие се лојални и заштитнички настроени кон оние кои им значат во животот. Овие личности се премногу паметни за да си дозволат да се заљубат на прв поглед, како резултат на два-три романтични геста од некој од спротивниот пол. Тие немаат поетска душа, но во себе носат голем романтичен потенцијал, кој треба да знаете како да му го разбудите.

Карактеристики на женските бикови

Женските претставнички на знакот бик, се предводени од нивната внатрешна сила. Тие се способни и трудољубиви индивидуалисти, на кои им се случува брзо да го изгубат трпението, па поради тоа се маркирани како избувливи жени. Тие се стабилни, лекомислени љубовни партнерки, кои обично ја преземаат споредната улога во врската, а главната му ја препуштаат на нивниот партнер.

Ја обожава музиката и сака да танцува

Луѓето со хороскопски знак бик најчесто имаат одлични вокални способности или одличен слух. Тие имаат голема наклонетост кон музиката, така што не е невообичаено да видите некој бик да ужива во слушање и создавање музика. Овој знак исто така, многу сака да танцува, но повеќето бикови се срамежливи за да отидат да поиграат на подиумот. Покрај музиката, бикот може да го интересираат и други видови уметност, благодарение на неговата артистичка природа и љубов кон естетиката.

Тврдоглавоста на бикот

Бикот знае да биде многу своеглав и инаетлив. Може да поминат месеци, па дури и години додека тој го промени мислењето по некое прашање, кое еднаш го оформил. Промените не се лесна работа за луѓето со овој хороскопски знак. Поточно кажано, тие ги презираат промените во животот од каков било вид.

Пронаоѓа задоволство во материјалниот свет

Бидејќи бикот  чувствува со сите свои сетила, не е невообичаено за припадниците на овој знак да инвестираат во разни модни додатоци и други статусни симболи, како на пример скап пар очила за сонце.

Бикот во љубовните врски

Природната убавина на бикот вистински блеска кога тој е заљубен. Тој е многу искрен, лојален и предан партнер, кој обожава да се гушка и да се бакнува со својот љубен/а. Бикот сака да разменува допири и чувства со својот партнер, па што повеќе е присутен физичкиот контакт во неговата врска, толку подобро за неа. Претставниците на овој знак се фокусирани на нивната љубовна врска и тие воопшто не се плашат да се „врзат“. Всушност, тие најбезбедно се чувствуваат во длабока и сериозна врска.

Кога еднаш ќе се зближат со нивниот партнер, на биковите им е многу тешко да се разделат од него. Раскинувањата можат буквално да го растројат бикот. Ним им е многу тешко да иницираат прекин на врската. Тие се стабилни индивидуи и токму таа нивна потреба за стабилност го попречува нивниот капацитет за критичко размислување. Биковите може да имаат тешкотија да ги изолираат негативните особини на нивниот љубовен партнер и да забележат дека нивната врска едноставно не функционира.

Голем естетичар

Профилот на биковите не би бил комплетен доколку не се спомне нивната привлечност кон убави работи. И машките и женските претставници на овој знак ги привлекуваат убави луѓе и убави опкружувања. Физичката привлечност игра голема улога кај овој знак, пред да стапат во љубовна врска со некоја личност.

Секогаш ја завршува започната работа

И покрај тоа што има разлика во карактерните особини од еден до друг бик, една е дефинитивно заедничка за сите – тие знаат како да ја завршат започнатата работа. Овие луѓе не се многу брзи додека работат, но тие со сигурност ќе ја завршат квалитетно, внимателно, целосно и темелно секоја задача која стои пред нив.