МУЗИЧКИ ВЕСТИ

Во продажба билетите за Дејвид Гета во Охрид

Од денеска се во продажба се билетите за журот со Дејвид Гета кој ќе се одржи во Охрид, на 1 август на стадионот Билјанини извори.
Франускиот хаус диџеј и продуцент, кој се прослави во осумдесетите пуштајќи музика во клубовите низ Европа во Охрид доаѓа како дел од неговата летна европска турнеа.
За трибините, влезниците чинат 800 денари, за партерот 990 денари, а фин пиот билетите се продаваат за 1500 денари. Организаторите нагласуваат дека бројот на фан пит билетите е ограничен за 1.500 фанови. На настапот во Охрид, Дејвид Гета ќе го промовира новиот албум кој излезе оваа година "Ништо освен ритамот", кој му е петти по ред. Журот го организира "авалон продукција

Леди Гага со најмногу номинации за Ем-Ти-Ви наградите

 Сите три се крајно различни музички диви: Леди Гага, Кети Пери и Адел, но трите ќе се натпреваруваат за награди на годинашното доделување на Европските МТВ музички награди.
Екцентричната Леди Гага води со шест номинации меѓу кои за најдобра песна и видеоспот за "Родена ваква" и за најдобар настап во живо. Поп принцезата Кети Пери е исто така номинирана во последнава категорија, како и категориите најдобра песна, поп и женски музичар.
Адел, позната по нејзините едноставни изведби и моќниот соул вокал, ќе претендира за четири награди: најдобар женски музичар, најдобар музичар од Британија или Ирска, најдобра песна и видеоспот за "Заедно можевме сe".
Меѓу останатите музичари кои се најавени со по неколку номинации се Бруно Марс, со четири и Џастин Бибер со три.

Свеченото доделување на наградите кое секоја година се одржува во различен град низ Европа, годинава ќе се одржи во Белфаст, Ирска на 6 ноември.