Хороскоп

Хороскопските знаци во кафеана

Заедничко за хороскопските знаци е тоа што сите повремено сакаат да се опуштат во добро друштво, со чашка пијалак и весела музика во некоја кафеана.

Овен

Иако е Овен, во кафеана се снаоѓа како риба во вода, без оглед на поводот. Кога ќе се напие малку повеќе, а тоа често се случува, почнува многу директно да се однесува кон преставничките на поубавиот пол. Иако е фокусиран на својот “плен” од женски род и понатаму го забавува целото друштво раскажувајќи шеги.

Жената Овен е главна во кафеана, нарачува пијачки за целото друштво, игра и си ги порачува омилените песни.

Бик

Сонува да има своја кафеана, што и не е реткост, но ако нема тогаш има омилено место каде што сите го знаат, од келнери до готвачи. Ги собира музичарите околу својата маса и не ги пушта да си одат, но им дава голем бакшиш, нарачува песни и ѝ угодува на својата поубава половина или на жената која му се допаѓа.

Жената Бик исто така ужива во кафеански амбиент, сака да запее, па караоке во некој ресторан е совршено за неа.

Близнаци

Со Близнаците можете да си поминете најубаво во кафеана без оглед дали таму одите како заљубена двојка или како пријатели. Мажот роден во овој знак знае да биде неодолив, бидејќи тој го знае она што другите не го знаат, имитира, пее, танцува и го забавува друштвото.

Жената Близнак секогаш е во друштво на помлади од неа, не го држи партнерот на око, затоа што обично не е љубоморна и се забавува како дете, или подобро кажано како големо дете.

Рак

Иако тој ги сака домот и семејството, обично за Ракот втор дом е неговата омилена кафеана. Никаде не може така да се опушти како со чашка добар пијалак и разговор со пријателите, тој ќе запее, ќе заигра и така до доцните вечерни или раните утрински часови.

Жената Рак знае да се фати на оро, но и да заигра танго. Таа сака да се опушти кога е со пријателите, но кога е со партнерот гледа само во него како да не постои никој друг околу нив.

Лав

Кралот на забавата, игрите и сите видови на прослави, Лавот умее сѐ да организира во својата омилена кафеана, каде музиката го поздравува со почит, а келнерите трчаат да му ја отворат вратата веднаш штом ќе го видат.

Лавицата, атрактивна и провокативна, прво “ја снима” ситуацијата и го набљудува друштвото во кое се наоѓа, а потоа стапува на сцена. Тогаш сите очи се вперени во неа, кога таа е на нејзиниот “трон” – подиумот за танцување, знае дека е неодолива.

Девица

Знак роден за мерак и релаксација, а кој би рекол, кога мажот Девица секогаш е дотеран, пристоен и воздржан? Штом малку ќе се напие и атмосферата почнува да се загрева, тој е оној кој во кафеаната нарачува тури, им сипа пијачки на сите и го подигнува расположението до точка на вриење.

Женската Девица ќе се преправа дека нејзината сестра-близначка лудувала минатата ноќ, а не таа.

Вага

Боем, џентлмен, хедонист – мажот Вага не може без да ужива со друштвото во кафеана, без разлика дали станува збор за најотмен ресторан или “биртија”. Тој инсистира да ја плати сметката, се грижи за тоа дали чашите се полни, не дозволува музичарите да се оддалечуваат од неговата маса, но им даваа и богат бaкшиш.

Жената Вага избира отмени ресторани за трач партија со пријателките, но кога ќе се одлучи да оди во “биртија” – таму останува до зори. Зад нејзината воздржана појава се крие желбата за забава, па таа никогаш не гледа на часовникот.

Скорпија

Елегантна и бучна, магнетно привлечна за спротивниот пол, Скорпијата ужива во кафеанската атмосфера, правејќи се дека не ja забележaла личноста која ја “голта” со очите. Не дозволува да ја напуштите забавата кога вие сакате, туку кога таа ќе ви дозволи.

Жената Скорпија секогаш го бира ресторанот, или знае “машки” да се напие или е тотален антиалкохоличар. Сепак, тоа не ја спречува да ужива во флертувањето со мажите со “подлабок џеб”, затоа што нејзин додворувач не може да биде било кој.

Стрелец

Ги обожава кафеаните, но само оние кои се на “добар глас” и каде што доаѓаат познати личности, вклучувајќи го и него затоа што мажот Стрелец секаде е омилен гостин. Знае да започне разговор на некоја “жешка” тема, но умее и да се контролира. Кога ќе се напие повеќе, не прави скандали.

Жената Стрелец наизглед успешно се вклопува во било кое друштво и во било која кафеана, но сепак сака да ги менува рестораните и да испробува нови, бидејќи има авантуристички дух.

Јарец

Жената Јарец, за разлика од вообичаеното мислење дека само работи, работи и работи, дека е стегната и воздржана, знае многу добро да се опушти во вистински кафеански амбиент, со црвено вино и добра музика, тогаш може дури и да заигра.

Мажот Јарец, наизглед срамежлив и расеан, во кафеана останува да лудува до раните утрински часови и не им дозволува на другите да си одат порано. Некои од неговите пријатели едноставно не можат да го препознаат, особено колегите од работа.

Водолија

Водолијата ги обожава кафеаните бидејќи таму го има она што најмногу го сака – пијалак, пријатели и флерт. Мажот Водолија е голем боем, ужива во добрата чашка додека музичарите му свират на увце.

Жената Водолија знае да ја дочека зората во омилената кафеана во друштво на пријателките, додека нејзиниот партнер дома си игра на компјутер.

Риби

Мажот Риби се чувствува одлично кога е во кафеана, особено кога е во машко друштво бидејќи веќе се знае кој што сака да пие и колку може да испие, а и каква музика слуша. На кого му е грижа колку е часот, кога него му е толку убаво, како во некој свет од неговата фантазија.

Жената Риби сака дискретни места, по можност во близина на река или езеро, со врвно послужување и џентлмени кои скокнуваат да ја услужат на секое нејзино движење. Од неа треба да се учи уметноста на боемските манири.

Како простуваат хороскопските знаци?

Ако се интересирате дали некој ваш пријател би ви прости за она што сте му згрешиле, можете тоа да го дознаете од неговиот хороскопски знак. Тие можат да ви кажат се.

Овен

Лесно се навредува, но и лесно простува, секако ако не сте имале намера да го повредите. Не простува никому и никогаш ако намерно го повредува или навредува неговиот партнер, бидејќи е многу посесивен. Сепак избегнувајте ги конфликтите и не го провоцирајте Овенот, не го погодувајте во суетата, тоа нема да го прости ниту да го заборави. Меѓутоа, доколку е заљубен во вас, без оглед на тоа што секогаш мора да биде во право и не е толерантен, ќе ви прости бидејќи не сака на себе да си го компликува животот.

Бик

Тешко простува но никогаш не заборава ако сте ја игнорирале или сте ја загрозиле неговата гордост, неговото семејство, неговиот дом. Очекува внимание бидејќи е суетен, но бидејќи најчесто е неодолив и кога е тврдоглав и кога работи полека, полесно ќе ви биде вие да му простите на него, а не тој на вас, посебно ако ве смета за свој пријател. Жената Бик полесно простува на пријателите, отколку на пријателите кои се недоверливи.

Близнаци

Не се така едноставни како што изгледаат на прв поглед, затоа што длабоко во себе сметаат дека не ги сакате доволно или не ги цените онолку колку што заслужуваат. Кога ќе го почувствуваат тоа нема да ви простат лесно, како и ако го загрозите нивниот одбранбен механизам со кој се штитат од емотивно разочарување. Ако им ја подгазите суетата во нивните обиди да бидат рационални, посебно во љубовта, не простуваат и ќе ви ја покажат природната страна која знае да биде крајно практична, но не ја сакаат осветата.

Рак

Се памти и не простува лесно иако во поголемите случаеви се прави како да незнае за што се работи. Иако е шармантен, нежен и чувствителен, внимавајте да не го допрете неговото его или било што што би можело да ја загрози неговата суета, не ви се пишува добро. Често знае да се прави „невино“, но раковите често самите на себе си си се доволни. Мажот Рак нема лесно да заборави ако не му дадете поддршка кога на него ќе му биде потребна.

Лав

Не простува доколку на неговата посветеност не му возвратите со најискрена приврзаност, посебно ако сте негов емотивен партнер. Не заборава и ако го игнорирате или омаловажувате, бидејќи сака да е во центар на вниманието. Ако не е, драматизира некое случување и сите ќе се свртат кон него. Може да ви се налути ако се смеете на неговото детинесто однесување, кое понекогаш изгледа извештачено, а понекогаш размазано, но ќе ви прости. Секогаш ќе биде тука за вас кога ќе ви биде потребно, но понекогаш ви дава до знаење дека без него не можете.

Девица

Не е злопамтило, подготвени се да издржат дури и навредување, но не сакаат изненадувања кои не им се по вкус, па со тоа реагираат со бес и нервоза. Не поднесуваат индискретни личности, бидејќи за нив тоа е целосно примитивно однесување. Нема да ви простат и ако се претставите како подобар работник од нив ако не сте, бидејќи тешко можете да ги надминете во работата. Секогаш сакаат да бидат подготвени ако се случи нешто непланирано.

Вага

Нема да прости, ниту да заборави ако сте биле неправедни спрема неа, ако ја занемарите или не ја забележувате во друштво каде што најмногу сака да заблеска, бидејќи Вагата ужива во дивење и комплименти. Со тоа таа не само што ја храни својата суета, туку и прикриената потреба за суптилна доминација. Поради љубов во состојба е се да прости или пак никогаш да не ви прости, се зависи од тоа колку и значите.

Шкорпија

Цени лојалност и искреност, не поднесува изневерување и затоа не простува лесно. Кога ќе престане да сака некој, не мора да значи дека таа личност и здосадила, туку дека толку се разочарала што веќе неможе да биде со неа. Иако точно знае што сака и како да го постигне тоа и изгледа како да ги смислува работите однапред, во суштина исклучително е емотивна и посветена на тие кои ги сака. Кога сака некој му ги простува и недостатоците, а ако не е по нејзин вкус, нема ни да го вреднува.

Стрелец

Не поднесува неискреност, многу е повлечен, но и во неговото опкружување често има личности кои не се такви како него. Никогаш не се осветува намерно туку би можело да се каже дека нема доволно такт. Сепак, доколку ја загрозите неговата професионалност или друштвена позиција, недостатокот на такт тогаш прераснува во осветување. Во љубовта е сосема друга приказна, па се додека партнерот ги толелира неговите испади, тој се му простува.

Јарец

Тешко простува ако некој го издал или изневерил. Вреди да го имате за партнер, бидејќи е еден од знаците на кои вреди да се потпрете. Долго и длабоко во себе ги потиснува чувствата на бес и неправда кои ги преживеал, а тогаш можеби бил немоќен да се спротивстави. Но памети со години, некогаш и со децении и ги дочекува своите 5 минути. Јарецот главно работи за да добие признание кое за него е исто како да сте му изразиле љубов, бидејќи почесто е сигурен во неговото знаење отколку во себе.

Водолија

Иако не е злопамтило и знае да прости, едно сепак нема да ви прости, ако не сте и лојални и посветени, а сте се претставиле како нејзин пријател, а Водолијата верувала во вас. Ќе ви прости ако се обидете да ја контролирате или да имате власт над неа, бидејќи знае дека тоа е невозможно. Бидејќи и во љубовните врски не сакаат да полагаат сметки, подготвена е многу да му прости на партнерот за да се искупи за своето егоистично однесување.

Риби

Долго памтат навреди, првенствено поради нагласената суета, знаат да бидат инаетчии и често одат против своите интереси, односно во корист на своја штета. Нема никако туку така да ви простат, ниту да заборават ако не сте им дале до значење онолку колку што очекувале. Во љубовта многу се воздржуваат, дури и кога личноста ги понижува или омаловажува, но кога еднаш ќе одлучи да оди, тогаш веќе нема простување и ништо неможе да ги натера да ја променат одлуката.

Алкохолен Хороскоп

Јарец
Ако Јарецот реши да оди на луда забава, често пие вода помеѓу пијалаците за да не го "фати" и да ја задржи самоконтролата, но доколку испие неколку чашки повеќе, тогаш Јарецот не е најдобро друштво затоа што на површина излегува неговиот песимизам и мрачните мисли.
Најдобар избор на алкохол за овој знак е лесното бело вино.
Водолија
Идеален пијалак за дивата, ексцентрична и забавна Водолија е текила во сите свои облици. Овој знак може да пие чиста текила, помешана со сок или во коктел.
Иако текилата гарантира забава, сепак треба да се внимава на количината, затоа што под дејство на текилата, Водолиите се однесуваат неодговорно...
Риби
Затоа што Рибите важат за чувствителни, нежни, срамежливи и примерни, ним им е потребен пијалак кој има топлина, а истовремено ќе им го "одврзе јазикот".
Идеален избор е коктелот "White Russian", составен од водка, ликер од кафе и крем.
Овен
Припадниците на овој знак се авантуристички настроени, динамични и иновативни, а со оглед на тоа што сакаат да пробаат нови нешта, дегустацијата на нови коктели е идеална дејност за нив.
Иако коктелите брзо "удираат" во глава, овој хороскопски знак речиси и да е имун на нивното дејство, па така Овенот е своевиден огромен капацитет за коктели.
Бик
Биковите го ценат раскошот, па така радо би посегнале по чашка добро виски.
Секако, треба да внимаваат на количината затоа што тие важат за неумерени кога станува збор за јадење и пиење.
Близнаци
Иако важат за комуникативни и снаодливи во друштвото, по дејство на алкохол лесно кокетираат и разговараат и со странци. Идеално за нив е црното вино ви сите облици.
Рак
Ракот важи за импулсивен и емоционален знак, со често менување на расположението, а под дејство на алкохол однесувањето може да биде и помалку театрално.
Раковите сакаат добри италијански црни вина, но пијат и благи овошни ликери.
Лав
Идеалниот пијалак за Лавот е џин, кој може да се пие на различни начини, без разлика дали е чист или во комбинација со други пијалаци.
Алкохолот кај припадниците на овој хороскопски знак ќе ја поттикне нивната симпатична, забавна страна, па затоа не ретко тие се омилено друштво за излегување.
Девица
Класичен избор за Девицата е џин-тоник, едноставна комбинација без дополнителни калории. Ако претераат со пијалакот, на виделина може да излезе потиснатата, помалку и агресивната страна на Девиците, па тогаш тие може да упаднат и во вербален конфликт.
Вага
Вагите важат за тип на луѓе кои знаат добро да се забавуваат и да се вклопат во друштвото, а идеален пијалак за нив е мартини и ретко претеруваат со него.
Шкорпија
Шкорпиите се одлучни, моќни и страствени. Можат да бидат и љубоморни и посесивни, а овие нивни карактеристики добиваат на интензитет под дејство на алкохол.
Најсоодветен избор на пијалак за нив е финото виски или водка, а доколку пијат количински повеќе, добар избор е пивото.
Стрeлец
Тие сакаат слобода, искреност и отвореност, а таков е и нивниот избор на алкохол.
Не сакаат "шминкерски" пијалаци, па затоа прв и најчест избор им е пивото, а пијат и ракија.
Единствено треба да внимаваат да не измешаат повеќе алкохоли затоа што тогаш стануваат премногу емоционални и носталгични.

Како знаците сакаат а како мразат

Овен

Импулсивни, нестрпливи и отворени, вие се вљубувате преку ноќ, на прв поглед. А, кога љубите, тоа го правите силно и страсно, не размислувајќи за последиците. Ваша цел е да го поседувате „предметот на сопствените копнежи“ па макар на половина час. И нема ништо лошо во таквото однесување се до мигот кога на истиот начин ќе си заминете и од животот на вашиот партнер, без збор и преку ноќ. Затоа, ако партнерот сака подолго да ве задржи во своите прегратки, ќе треба постојано да ви ласка и отворено да се одушевува на вашето знаење и на мускулестото тело. Секој негов обид да ви се спротивстави го предизвикува вашиот гнев. Во таквите моменти, најдобро ќе биде тој подалеку да избега од вашето видно поле. Во спротивно, не само што ќе ја навредувате личноста која до вчера ја бакнувавте, туку во екот на кавгата ќе искршите се што ќе ви се најде до рака. И можеби миговите на омраза кратко ве држат, но тие се доволно силни да му втераат на партнерот „страв во коските“. Уште повеќе што вие никогаш нема да се покаете, ниту да му се извините.

Бик

Меланхолични и бавни, вие тешко го отварате пристапот што води до вашето срце. Но, ако постојано го прегрнувате и бакнувате партнерот, тоа е сигурен знак дека сте веќе вљубени. А, тоа чувство кај вас може да трае вечно. Своите чувства ги изразувате преку нежните допири и тажниот поглед. Не сте способни за големи љубовни изјави и ветувања. Проблемите започнуваат тогаш кога ќе ја покажете својата љубомора и посесивност. Меѓутоа, свесни дека се тоа срамни чувства, вие ниту за „жива глава“ нема да ги признаете, иако со нив ќе биде напоена секоја ваша клетка. А, бидејќи ја застапувате идејата дека љубовта доаѓа од стомакот, ќе започнете да го обожавате партнерот кога ќе се уверите во неговите готвачки способности. Но, ако тој ви „згазне на жуљ“ и ако одлучите да му ставите „крст“, тоа сигурно ќе биде засекогаш. Вашата тврдоглавост нема да ви дозволи да ги прегазите своите принципи.

Близнаци

Во вашето срце не престојува долго ни љубовта, ниту пак омразата. И кога сакате и кога мразите, тоа обично го правите површно и разиграно. Можеби затоа луѓето не ве сфаќаат сериозно. А, уште помалку знаат дека причината за таквото однесување се крие во вашата љубопитна и променлива природа, која ужива во флертот. Но, ако сте навистина вљубени, тогаш отворено ќе му зборувате на партнерот за своите чувства и ќе го затрупате со подароци. Меѓутоа, тој период кратко ќе трае. Главниот предизвик во љубовта за вас не е еротиката, туку духовитиот и интригантен разговор. Значи, партнерот ќе може да го задржи вашето внимание откривајќи ви ги најновите трачеви од градот и раскажувајќи ви масни вицеви. Прекрстените раце и молчењето во ваше друштво ги сметате за најголем грев и полека ќе започнете да се оддалечувате од личноста што така се однесува кон вас. Кога некого мразите, тешко се забележува, бидејќи во принцип ги избегнувате кавгите. Најчесто се одмаздувате со озборување. Значи, ако некого замразите, сите ваши поблиски и подалечни пријатели ќе дознаат за интимните пикантерии од вашиот живот.

Рак

Длабоко емотивни, но тивки, вие сте вистински зависници од љубовта. Меѓутоа, љубите и страдате во тишина, не покажувајќи му ги своите чувства никому. Доказ дека сте вљубени е вашата неодолива потреба од нежни допири и срцепарачки зборови. Во таква состојба, во љубовен транс и гугуткајќи на перница, вие сте способни да го поминете и целиот живот. Срцето би можеле евентуално да го отворите пред партнерот за време на некоја романтична прошетка покрај море или на романтичната вечера залеана со добро вино. Но само откако прво партнерот ќе ви ги покаже своите чувства. А, ако тој си го дозволи луксузот да ве повреди, навидум безопасни, вие ќе се претворите во негов најголем непријател кој нема да се смири додека не му се одмазди. И тоа на начин како што тој најмалку очекува. Меѓутоа, и откако ќе му вратите „мило за драго“, вие никогаш нема да го заборавите неговиот грев.

Лав

Театрални, гласни и фалбаџии, кога срцето ви го погодува Аморовата стрела, вие го објавувате тоа на цел глас. Не се срамите од чувствата кои се силни, огнени и искрени, па дури ги искажувате на помпезен начин. Партнерот ќе знае дека сте „до уши зацапани“ во него ако започнете да го опсипувате со скапи подароци и да го изнесувате по луксузни ресторани. Тоа е вашиот стил, на „голема врата“ да влезете во неговиот живот и да го завземете најважното место во неговото срце. Меѓутоа, добро е ако партнерот знае дека „паѓате“ на истите работи. Значи, ширум ќе ги отворите очите пред златниот накит и останатите скапи подароци. И што е можеби најважно, партнерот треба да знае дека не ја сакате монотонијата и просечниот стил на живеење. Но, ако некако се случи тој да ја повреди вашата скапоцена суета, сигурно ќе го избомбардирате со куп навреди, ќе се свртите и ќе си отидете од неговиот живот со крената глава.

Девица

Нагласено рационални и длабоко аналитични, вие ретко кога безглаво се впуштате во љубовните игри. Всушност, секогаш кога станувате свесни дека при налетот на чувствата „стомакот ви се врзува во чвор“ ве фаќа паника и го притискате копчето на кое пишува „Внимавај!“ Меѓутоа, и покрај воздржаното и студено однесување, во вашите гради чука немирно срце кое копнее по љубов. Па, ако некој си зел тешка задача да ве освои, ќе мора долго да чека и чекор по чекор да ви се приближува. А потоа, ќе биде пожелно да најде начин да ве увери во својата верност, лојалност, како и во смислата за практично. Притоа, вие дефинитивно ќе го “развиорите белото знаменце” кога на првата посета во вашиот дом, партнерот ќе ги соблече чевлите уште во претсобјето. Простите пак зборови и пцовките ќе му донесат негативни поени. А, ако ја има таа среќа да ви се замери, тогаш ќе почекате прво да се врати дома, бидејќи се плашите од директни судири, за преку телефон да го искритикувате неговото однесување.

Вага

Како дете на Венера, божицата на љубовта, вие копнеете по совршена љубов и се чувствувате комплетно само со партнер покрај себе. Но, во земниот живот ништо не е совршено. Затоа често се лажете во проценките и се соочувате со емотивни разочарувања. Сепак, подготвени сте целиот свој живот да го поминете во потрага по идеалниот партнер. А кога ќе помислите дека сте го нашле, тогаш се предавате без многу размислување. Дури сте подготвени и на жртви, со цел да ја одржите идиличната слика за животот во двојка. Личноста што сака да ве освои сигурно ќе успее во тоа само ако кон вас се однесува рафинирано, со многу такт и внимание. Уште подобро ако секојдневно ве опсипува со скапи и одбрани подароци. Но, ако улулкан во вашата доживотна љубов, партнерот се дрзне да ве повреди, тогаш треба да се подготви за вашата одмазда. Ќе сторите се за уште следниот ден да прошетате пред него прегрнати со друг партнер, како тој никогаш да не постоел во вашиот живот.

Скорпија

Оние што барем еднаш се нашле во вашите прегратки тврдат дека љубовта на Скорпиите е страсна и фатална. А, бидејќи за вас работите се или црни или бели, кога вие сте вљубени, обземени од бранот страсти, не умеете да се воздржите. А, кога со следниот бран ќе ве заплиснат посесивноста и љубомората, започнувате да се однесувате неразумно. Всушност, ако не сте сигурни дека можете да ја имате вечно својата љубов, со истиот интензитет, подготвени сте самите да ја уништите. Но, ако покрај се, партнерот посака постојано да го одржува буден вашиот интерес и вашата страст за него, тогаш ќе мора да го нагласи својот сексапил и таинственоста. Исто така, тој треба да има во предвид дека кај вас е тенка границата што ја дели љубовта од омразата. Па, ако на некаков начин ја испровоцира вашата омраза, тогаш ќе почувствува колку страст и жестина вие можете да внесете во одмаздата. И тоа не е се. Всушност, тоа е само почеток на една долготрајна тортура.

Стрелец

Весели, ведри и искрени, вие љубовта ја разбирате како игра која може да ви го разубави здодевното секојдневие. Оптимисти во душа, вие не гледате причина „зошто би ги криеле чувствата, ако сте вљубени?“ Затоа, љубите искрено. Но, повеќе од се, ја љубите слободата. Па, со цел да ја сочувате, секогаш верно го следите правилото „љуби, љуби, но главата не ја губи!“ Значи, личноста која ќе ве стави во центарот на нејзините љубовни фантазии треба да знае дека најлесно ќе ве освои ако ве однесе на незаборавно патување во некоја егзотична земја. А, вие дефинитивно ќе и „јадете од рацете“ кога ќе заклучите дека покрај себе имате весела и неоптоварена личност која ве прифаќа такви какви што сте, без никакви принуди, уцени и љубоморни испади. Но, нејзините шанси кај вас ќе се намалат ако забележите дека долго спие и дека го сака излежувањето во кревет. Сепак, вие не умеете да мразите. И можеби во напад на бес ќе изнакажете сешто. Но, откако ќе сфатите дека сте ја повредиле личноста што ја сакате, сигурно ќе барате прошка.

Јарец

Посветени на постигнувањето професионален успех и материјално богатство, вие од мали нозе учите како да ги потиснете чувствата, убедени дека нивната превласт не носи многу среќа во животот. Што е уште пострашно, за вас љубовта најчесто оди „рака под рака“ со отфрлањето и страдањето. Но, ако некој смета дека токму вие сте одговорот на сите негови „љубовни соништа“ и ако има „време за губење“, тогаш ќе треба да изоди трнлив пат. Всушност, на секој ваш потенцијален партнер ќе му треба многу време и трпение да дочека да се стопи сантата мраз во која го криете своето лесно ранливо срце. Можеби ќе се отворите дури откако ќе се убедите во неговата скромност, штедливост и во неговата смисла за практично. Но, никогаш нема комплетно да му се предадете. Доказ дека повеќе не сте вљубени е студенилото во вашето однесување. А, вие мразите исто како и што љубите, постојано и вечно.

Водолија

Потполно непредвидливи за се во животот, вие сте непредвидливи и во љубовта. Во еден миг ќе бидете подготвени да ги симнете сите ѕвезди од небото за личноста што ви се допаѓа. Но, веќе во следниот миг можете да исчезнете или да се однесувате кон неа само како кон најдобар пријател. Меѓутоа, вие сте како измислени за секој оној кој е во потрага по либерална и оригинална љубов, бидејќи вие барате слобода, но истата му ја дозволувате и на партнерот. Притоа, вашиот партнер не смее ниту на сон да помисли да ви ја искажува љубовта преку љубомора. За вас, љубомората не е доказ за љубов. Но, ако работите започнат да се одвиваат во правец на омразата, партнерот треба да ви се тргне од патот во првиот момент, додека сте обземени од бесот и лудилото. Зашто, ако не му направите нешто лошо веднаш, тогаш нема да му направите никогаш.

Риби

Кога вие се вљубувате, а тоа често ви се случува, минувате ноќи и денови сонувајќи со отворени очи и пишувајќи поезија за објектот на својата љубов. Но, честопати љубовта ја поистоветувате со солзите и жртвувањето. Па, со цел да го задржите контактот со реалноста, имате потреба од многу нежност и разбирање од страна на партнерот. А, кога стравот од невозвратената љубов ќе надвладее, тогаш запаѓате во хронична депресија и душата си ја олеснувате преку потоците солзи. Секој оној што сака да ве освои треба да знае дека ќе “пливате секогаш до него” ако на уво ви ги шепоти познатите љубовни стихови. А, ќе останете без здив ако за време на летувањето ви предложи да ги исончате и најскриените делови на телото. И нормално, вие не умеете да мразите. Највисок степен на вашата одмазда е да го „дигнете носот“ убедени дека тоа ќе ја повреди вашата жртва.

Внеси реплика	страница <1 83 848586 87 157 >
Tweet