Жените сакаат нежен маж кој не се плаши да заплаче, во добра форма, има заземено цврсти ставови, има префинета смисла за мода и одлично се снаоѓа со поправките во домаќинството.

Совршениот маж заработува околу 60,000 евра годишно, вози "Audi" и пие пиво, покажало истражувањето спроведено врз 2,000 Британки од страна на британскиот синџир на продавници "Austin Reed".

Поради тоа што британскиот стандард е многу повисок од македонскиот, приходите на идеалниот маж не можат да се споредат со оние на македонскиот, но по се останато, резултатите би можеле да се совпаднат.

Идеалниот маж има префинета смисла за мода, одлично тело, кратка црна коса и избричено лице, не е вегетаријанец и одлично се снаоѓа со поправките во домот, пишува "The Huffington Post".

Знае да вози велосипед и да плива, добро заработува, а семејството му е на прво место.

Речиси 86 проценти од жените сакаат нежни мажи кои редовно се слушаат по телефон со нивните мајки и не се плашат да пуштат и по некоја солза на некој трогателен филм, додека 43 проценти повеќе сакаат маж кој знае да се шегува.

"Жените имаат големи очекувања од совршениот маж.

Најважен е начинот на кој мажот се претставува и иако не сакаат премногу "нашминкани" типови, на припадничките на поубавиот пол сепак им е важно тие да ги следат трендовите", истакнува претставникот на "Austin Reed".

А да пробам кај девојкава погореШтом сака тетоважи