Денес...

Бесплатни консултации за проблемите со очите и видот

Европската очна болница - Скопје како вистински врвен регионален офталмолошки центар на Балканот ја продолжува реализацијата на филантропската мисија која на граѓаните од Македонија им овозможува бесплатни офталмолошки консултации.

Тимот составен од врвни специјалисти-офталмолози успешно реализира уште една проектна фаза овој пат за граѓаните на општина Куманово. Лоцирани во кумановскиот Дом на културата, тимот на специјалисти направи максимален напор да им излезе во пресрет на големиот број граѓани кои пројавија интерес да добијат бесплатна офталмолошка консултација поврзана со нивната состојба и здравјето на очите.

Општина Куманово и градоначалникот Зоран Дамјановски комплетно ја поддржаа пионерската мисија за реализација на ваков тип на бесплатни офталмолошки консултации иницирана од страна на Европската очна болница.

Согласно покажаниот огромен интерес на граѓаните за партиципирање во хуманата мисија на Европската очна болница која им обезбедува врвна и бесплатна офталмолошка консултација, болницата и понатаму ќе продолжи со реализација на уште проектни фази, и тоа во сите градови и општини на Република Македонија. Досега, овој пионерски и филантропски проект обезбеди бесплатна консултација за состојбата и здравјето на очите и тоа за граѓаните од Тетово, Гостивар, Струмица, Радовиш, Прилеп и Куманово. Веќе е редовна практика најтешките случаи на проблеми со видот или повреди на очите, кои не може соодветно да бидат третирани во соседните земји, да бидат пренасочувани во Европската очна болница во Скопје, каде што лекарската екипа составена од еминентни офталмолози-специјалисти ја овозможува неопходната професионална и лекарска помош на пациентите. Европската очна болница има договор со Фондот за здравство на Република Македонија.