За петок 13-ти постојат безброј митови и приказни, но и без тоа календарски гледано петок 13-ти е интересен феномен.

Сите знаат дека секоја четврта година е престапна, но тоа што малкумина знаат е дека доколку годината е делива со 100 тогаш таа не е престапна, а пак ако е делива со 400 тогаш е престапна. Од таа причина 1900 не е престапна година, а 2000 е престапна година.

Поради овие правила распоредот на деновите на календарот се повторува на секои 400 години. Туку почнува интересниот дел ако ги погледнете овој циклус ќе забележите дека најчестиот ден кој се паѓа на датумот 13-ти е всушност петок.

Во циклусот од 400 години има 170 години со по еден петок 13-ти, 171 година со по два и 59 години со по три. Тоа значи дека не постојат години без петок 13-ти, ниту пак постојат години со повеќе од три. И покрај тоа што нема година без „проколнат ден“ сепак најголемото растојание помеѓу два е подолго од една година и изнесува 426 дена.

Интересен е фактот дека доколку годината има три тогаш тие мора да бидат во месеците Февруари, Март и Ноември, а доколку е престапна како 2012 тогаш се во Јануари, Април и Јули.