Пронајдено местото каде се венчала Покахантас

Американскиот арехеолог Вилјам Келсо е уверен дека ги пронашол остатоците од најстарата протестантска црква во Америка, во Џјмстаун, Верџинија. На ова место, тврди Келсо, била венчавката на Покахантас..

- Во 1614 година, тука се омажила Покахантас, ви гарантирам, вели Келсо.

Во близина на реката Џејмс, на 14-ти мај 1607 година пристигнале стотина Британци и ја формирале првата колонија во Америка.

- Ова е фантастично и возбудливо, бидејќи Џејмстаун се споменува со име на мрзлив човек, кој бил на чело на градот. Но кога се збогатил, го напуштил подрачјето и се вратил во Англија, вели Келсо.

Подрачјето е внимателно откопувано и пронајдени се неколку дупки длабоки два метра. Археолозите исто така пронашле и четири гроба.

- Религијата оддиграла голема улога. Работниците вложиле многу во градењето на оваа црква, вели Келсо.

Четирите гробови им припаѓаат на важни членови на колонијата, кои морале да бидат погребани во близина на црквата. Келсо вели дека во него се закопани витез, два морнара и црковниот службеник Роберт Хант.

Келсо го покажа и местото каде стоела Покахантас, најомилената ќерка на поглавицата Повхатан.

- Војната завршила со оваа венчавка, додава Келсо.

Индиската принцеза, која е добра позната меѓу децата благодарение на анимираниот филм на Дизни, во која се вљубува Англичанецот Џон Смит.

Вистинската Покахантас, подоцна го добива името Ребека и се мажи за Џон Ролф, пред на 21-годишна возраст да почине во Англија.