Навивачи се тепале со палки и со секири !!!

Тешки инциденти во Нови Сад и околината- Хрватите едвај извлекле жива глава после натпреварот против Франција.

Повеќе хрватски навивачи се повредени , а десетици автомобили со хрватски регистарски таблички се демолирани во синоќешните пресметки ширум Нови Сад после натпреварот Хрватска-Франција.

И покрај големиот број на ангажирани полицајци сепак не беа избегнати инциденти. Околу 20 часот каменувана била колона автомбили со хрватски регистарски ознаки. Истовремено на еден новосадски паркинг демолирани биле неколку возила на хрватските навивачи.

„Видов хрватски навивачи како истрчуваа од колите, бегаа и ги држеа рацете преку глава. Камења летаа на сите страни. Ако некој не е озбилно повреден или мртов, тогаш тоа е вистинска среќа“, шокирано изјавила една жена сведок на тепачките.

На местото на настаните брзо пристигнала полиција и Брза помош, а неколку навивачи со полесни повреди биле згрижени во ургентниот центар. Полицијата веднаш тргнала во потера по хулиганите и привела десет лица, а уште десет од нив се приведени на информативен разговор.

На една бензинска пумпа било запалено комбе на хрватски навивачи, а потоа дошло до пресметка во која биле користени палки, метални шипки и камени блокови, а еден навивач од Хрватска бил прободен со нож. Он е пренесен во новосадскиот ургентен центар и неговата состојба, според последните информации е стабилна.