Кризата во Грција

Песимизмот на Грците ја достигна најниската точка, откако 86 отсто изјавија дека платите им се намалени за над 30 отсто, а 60 отсто од нив се несигурни за својата работа, ги цитираат весниците резултатите од анкетата на социолошката агенција „Метрон аналисис“.

Актуелниот момент е црн, но иднината е уште поцрна, забележува весникот „Елефтеротипија“.

Друга анкета, на агенцијата „Марк“ покажува дека Грците се свртеле и веќе не им веруваат на политичките партии, барајќи спас во нови партии.

Двопартискиот модел е стигнат до рекордно ниски нивоа, поддршката за конзервативната партија Нова демократија е падната до 20,7 отсто, а за социјалистичката ПАСОК до 11 отсто, коментира весникот „Етнос“.

На овие одгласи се прави заклучок дека сегашниот премиер на владината коалиција Лукас Пападимос значително ги претрка лидерите на двете водечки партии, на конзервативците Андонис Самарас и на социјалистите Јоргос Папандреу, и се покажува како соодветен за оваа функција во споредба со останатите.

Понесувајќи ги болните последици од кризата, Грците вината за неа ја наоѓаат во партискиот систем и се ориентираат кон создавање нови политички партии. Дури 75 отсто од анкетираните се залагаат за нови партии, со поинаква ориентација од денешните, посочува уште весникот.

Несигурноста царува и околу следната супер транша што Атина ја очекува од кредиторите, во износ од 89 милијарди евра, на почетокот на следната година, пишува весникот „Вима“. Станува збор за првата транша од новиот спасувачки пакет за Грција, што е во вредност од 130 милијарди евра и со кој треба да се финансира отпишувањето на дел од грчкиот долг, да се помогнат банките и да се компензираат потребите од плаќањата на државата.