Прополис!

Името прополис потекнува од грчкиот збор pro-што значи пред, и polis-што значи град што укажува дека пчелите со оваа материја го зтвараат, штитат, заградуваат и го приврстуваат “својот град”илиpropoliso-замачкуваат, полираат.

Со прополисот пчелите ги заѕидубаат (заtвараат) сите пукнатини во кошницата, со него во тенок слој ги премачкуваат ѕидовите на kошницата, ги полираат келиите од сотовите кои служат за сместување на мед, полен и одгледување на ларви.

Со прополисот се обложуваат и усмртените животни што продреле во кошницата бидејки прополисот го спречува процесот на гниење.

Прополисот е смолеста материја со сјајна темножолта до темно зелена нијанса со карактеристичен пријатен мирис.

Прополисот по своето потекло е секрет од ткивата на пупките или кората на дрвјата и грмушките. Тој е мешавина од смолести материи од дрвјата најчесто од топола, врба, јасен, оморика, бреза, бор, костен и други.

Смолата се создава на кората како леплива излачевина или смолеста супстанција за време на пролетта и летото. Пчелите најчесто го собираат во август, септември и октомври т.е. во времето на припрема на пчелите за зимување. Собирањето на прополисот се врши на топли денови од 10-15 часот,кога овие материи можат лесно да се мешаат.

Мирисот, физичките својства, бојата и хемиските својства на прополисот зависат од растеието од кое е собиран и локацијата на растенијата.

Прополисот има пријатен мирис на растителни пупки, мед, восок, ванила и е со горчлив вкус.

При подолго чување прополисот потемнува. На топло над 30 степени прополисот станува мек и пласичен а на ладно под 15 степени станува тврд и крут.

Прополисот се топи на температура од 80-150 степени а има специфична тежина од 1,112-1,136 гр/см3. Прополисот слабо се раствара во ладна вода а нешто подобро во топла вода (7-10%). Добро се раствара во 96% алкохол (50-75%). Растворливоста на прополисот зависи од времето на екстакцијата, температурата на растворувачот и големината на проплисовите парчиња.

Прополисот игра важна улога во животот на пчелното семејство. Тој служи како градежно дезинфекциона материја со која пчелите ги пополнуваат пукнатините, го фиксираат саќето, за дезинфекција и полирање на келиите. Благодарејки на прополисот се одржува добра здравствена состојба во улиштето во текот на целата година.

Прополисот може да се прима орално во вид на прашак, гранули, воден екстрат, водено алкохолна емулзија, прполисово масло и .т.н.

1.       Алкохолен раствор на прополис-прополис капки во 96% алкохол

Подготовката на алкохолниот раствор се врши на следниот начин. Потребна количина на прополис се ситни и се става во стаклен сад во кој се дотура 96% алкохол и садот добро се затвара. Секојдневно шишето се протресуба и после дестина дена се процедува добиениот раствор.

Прополис капките се примеуваат орално и надворешно. Во зависност од намената се користат различни проценти на прополис капки.

2 до 4% прополис капки се користат во стоматологијата.

Начесто се користат прополис капки од 10 до 20%.

Прополис капките се применуваат на следниот начин:

10-20 капки од 10-20% прополис капките  се ставаат во чаша топла вода, млеко или чај и по едно лажице мед  или сок од лимон.

10-20 капки од прополис капките се става на коцка шеќер или парче леб и се држи во устата додека прополисот не се апсорбира.

Ако 10-20 капки од прополис капките се стават во врела вода се врши инхалација со прополис капките.

Ако завој се пропрска со прополис капки може да се користи за превивање за разни рани на кожата.

2.       Водено алкохолна емулзија на прополис

Се користи орално, за облоги, инхалации, гргарења.

Се приготвува од алкохол раствор на прополис, со додавање на дестилирана вода, превриена вода или минерална вода во зависност од саканата концентрација (0.25%  0.5% 1% 2% ). За да се добие 0,5% водена алкохолна емулзија се мери 5см3 (5мл) 10% прополис капки и се меша со 95 мл(см3) дестилирана вода.

Се чува на темно место. За орална припрема и гргарење се зема една лажица 3 до 4 пати дневно.

3.       Воден раствор на прополис

Се користи за орална употреба, гргарење, аеросолна инхалација...  Се добива со растворување на прополис во вода (водена бања) или се користи и прополисот растворен во вода.

4.       Маслена-алкохолна емулзија на прополисот

Се прави од алкохолена раствор на прополис и квалитетно масло (рибино,сончогледово, маслиново ...).

Алкохолен екстрат -  масло = 1:1; 1:2;  или 1:3.

Се користи во оториноларингологијата, кај изгоретини, егземи и др..

5.       Прополис маст

Се прави од прополис раствори во лековита маст.

Се употребува за лечење на рани, изгоретини, хемороиди, егземи.

6.       Прополисово масло

Се спрема иситнет прополис ставен во загреан путер и се меша се додека не се добие хомогена маса.

Се препорачува за лечење на туберколоза, ангина, чир и др.

Се прима по 1 лажица на 1 час пред  јадење 3 пати на ден растворено во млеко.

7.       Природен прополис за надворешна и внатрешна употреба

-1 гр прополис се загрева додека не омекне и се обликува во тенок слој и се става на заболеното место како на пример жуљ, брадавица и сл. Се фиксира со фластер и по 4 до 5 дена се вади. Ако брадавицата не падне се повторува постапката.

-чист прополис се обликува во гранули од 0.5 до 1 гр. Се зема по 1 гранула 3 пати дневно на 1 до 2 часа пред јадење.

За  1 кура на лечење потребно е од 30 до 100 гр. Прополис

8.       Прополис мед

Прополисов мед се прави така што во 1 кг кристализиран мед се става 20 до 30 гр. Чист и ситен прополис .

Од оваа смеса се зема по едно лажиче 2 до 3 пати на ден еден саат пред јадење.

9.       Смеша од пчелини производи

Се зема 1 кг. кристализиран мед, од 100 до 200 грама полен, 10 гр матичен млеч и 20 до 30 гр. проплис.  Се зема по 1 лажице 3 пати на ден на 1 сат пред  јадење.

Се користи орално за лечење на stomatitis, gingivitis, angina, laryngitis.

Локално се применува кај rhinitis, sinusitis,faringitis, …

Santijago напиша: Со еден збор кажано се смета дека прополисот е лек на иднината.

Во потполност се согласовам со оваа констатација!

Неколку години по ред превентивно ги користам алкохолните прополис капки и можам слободно да ги наречам магични капкиврз основа на резултатите кои ги почувствував од нив.

Еве конкретно имав пречувствително грло и после само  1 чаша испиен газиран напиток следеше 10 дневно малтретирање со антибиотска терапија која сега е минато свршено време.
Друга намена што лично сум ја испробала  беа кожните реакции од убоди од инсекти(комарци),алергиски реакции на кожата од најразлична етиологија кои предизвикувале осип и свраб на одреден дел на кожата и со премачкување 2-3 пати дневно веднаш се смируваа/исчезнуваа симптомите.

Со еден збор,прополисот е нешто без кое јас едноставно неможам да функционирам.

Дали некој од вас знае, дали постои опасност од предозирање со прополис односно дали постои некакви нус појави доколку се внесе поголема количина на прополис. Кога ќе почуствувам дека ме боли грлото по навика си земам алкохолен раствор од 20% прополис и капам во грло додека можам да издржам :D, па ме интересира дали тоа може да биде штетно?

Прополисот е леплива супстанца која пчелите ја собираат од пупките и соковите од билките. Пчелите го користат за превенција од болести и за заштита на кошниците од надворешните штетни фактори, како што се другите инсекти, дождот и нечистотиите од воздухот.


Прополисот често се користи за ублажување на болки во грлото и при кашлица. Исто така, тој се покажа како одличен производ за ублажување на болки во синусите и при појава на херпес. Во некои земји тој се користи и за превенција од инфекции на уринарниот тракт и за намалување на воспаленијата. Тој исто така има против воспалителни и антибактериски својства.