Новогодишни честитки

Пронајдено 100 години старо писмо испратено до Дедо Мраз. Писмото го оставиле деца до оџакот за да може Дедо Мраз да го види. Дознајте што децата пред еден век сакале да му кажат на Дедо Мраз.  

Писмо кое братот и сестрата Ховард од Ирска го испратиле во далечната 1911 година е пронајдено и го прикажува божиќниот дух пред 100 години.

Градежниот работник на една куќа во Даблин Џон Бирн го пронашол писмото на полица над каминот и иако помалку подгорено и пожолтено, очевидна била пораката на Ховардови за тоа што сакаат за Божик и дека му посакуваат среќа на Дедо Мраз.

- Сакам кукла и мантил за дожд со качулка и ракавици и карамел-јаболко и златна паричка и уште едно стапче карамела, стои во пораката. Покрај пораката, децата нацртале и цртеж за Дедо Мраз.

Пораката е оставена веднаш покрај оџакот за да може Дедо Мраз да ја види, доколку успее да се провлече низ него. Во тоа време камините биле правени со една полица од цигли, објаснил Бирн.

Подоцна се идентификувани потписите на Хана, која имала десет години, и нејзиниот брад Фред, кој имал седум години кога го напишале писмото. Нивната постара сестра Лили која имала 13 години им помогнала пораката да ја стават на полицата.