Шеќеринска сликала несовесни пратеници

Пред две недели кога во Собранието се ратификуваше Конвенцијата за правата на лица со инвалидност, пред собраниската зграда два дена по ред, местото на паркингот пред зградата на Парламентот наменето за паркирање на инвалиди, постојано било зафаќано од коли на пратеници и други вработени во собраниската служба.

Оваа појава, кога се расправало за Конвенцијата, ја регистрирала пратеничката на СДСМ Радмила Шеќеринска. Тие два дена кога доаѓала во Собранието, со нејзиниот мобилен телефон ги сликала колите паркирани на местото предвидено за лицата со инвалидност. 
Шеќеринска вели дека со ова сака да го покаже двојниот морал на луѓето кога се зборува за односот кон инвалидизираните лица и тоа во највисокиот законодавен дом. 
"Не е битно што правиш, битно е што зборуваш. Ова е еклатантен пример кога затајуваат институциите", вели Шеќеринска.

Таа е зачудена што сличен однос кон лицата со хендикеп имаат и поголемиот дел од возачите по јавните паркинзи. 
"Ние се солидаризираме со хендикепираните само на збор и само кога има некоја годишнина. Тие два дена зборуваме и покажуваме колку сме биле хумани кон нив, а останатиот дел од годината се однесуваме неодговорно кон нив", смета Шеќеринска.
Не се согласува со дел од пратениците, кои $ забележиле дека со тоа што ги сликала колите на пратениците и на другите вработени во службата пред Собранието на места каде што тоа е забрането го рушела имиџот на пратениците. Според неа, пратениците треба да бидат пример како останатите граѓани треба да се однесуваат кон хендикепираните.  

Камо среќа да имаше опозиција!