Што прави оваа влада?!

Македонските
граѓани во однос на тоа колку се дневно работно ангажирани, имаат
одличен стандард. Државниот завод за статистика на Македонија утврдил
дека лицата на возраст од 20 до 74 години дневно одвојуваат по 2 часа и
18 минути за работа, а, она што е интересно, е што речиси ист временски
период, односно 2 часа и 8 минути се посветуваат на консумација на храна
и пијалаци. Овие бројки сами по себе зборуваат дека сме добри гурмани и
дегустатори, ама не можеме да се пофалиме дека сме работливи и вредни.

Статистичките анализи утврдиле и дека македонските граѓани главно не
си ја мачат душичката, бидејќи во период од 24 часа дури 35 % од денот
одвојуваат за спиење. Тоа пресметано временски е 8 часа и 32 минути. Но,
тие не си го запоставуваат ниту слободното време за коешто посветуваат
дури 5 часа и 15 минути.

За дневни домашни активности се троши 11 %, односно 2 часа и 38 минути.
Што
се однесува за периодот наменет за слободни активности, статистиката
утврдила дека мажите одвојуваат повеќе време и тоа 5 часа и 45 минути, а
жените 4 часа и 46 минути. Но, затоа, пак, мажите не се докажале во
домашните активности, бидејќи само 1 час и 17 минути во денот се
посветени на домот. За разлика од нив, жените како по некое непишано
правило во домот се активни и по 4 часа.

Македонските граѓани не обожуваат да патуваат. Тие статистички многу
малку се заинтересирани да посетат конкретна дестинација. Слична е
состојбата и во школувањето, бидејќи едвај еден час се посветуваат на
науката.

Но, затоа пак, Македонците бидејќи 81,9 % од
семејствата во земјава располагаат барем со еден мобилен апарат. обожуваат да користат мобилни телефони и
се рамо до рамо со високо развиените земји во светот.

Македонските граѓани очигледно дека слободното време го користат пред
компјутер, затоа што статистиката потврдува дека 47% од домаќинствата
располагаат со персонален компјутер поврзан со интернет.

Гледањето турски серии е хит, па затоа речиси и нема дом во земјава,
каде што нема ТВ апарат. Анализите потврдуваат дека 97,2% од граѓаните
имаат телевизор во боја.
За домаќинките кои трошат речиси 5 часа на
домашни активности на располагање им се машините за перење алишта коишто
во македонските домаќинства се застапени 89,4%, а машините за миење
садови се присутни значително помалку или само со 11,6%.