Скопје најубавиот град во светот!

Освен зеленилото и многуте пешачки патеки, на 4000 метри квадратни изградени се три езерца, фонтани, водопад. За триесетина дена ќе биде изградена и црквата

Најубавиот парк во Македонија е изграден во Општина Аеродром. Го носи името Јане Сандански и се наоѓа на аголот меѓу истоимениот булевар и булеварот "Србија". Овој епитет не е самопофалба на општинарите кои успеаја на многу необичен и интересен начин да го уредат просторот од околу 4000 метри квадратни, туку и општо мислење на жителите, за кои зеленото катче е всушност и наменето.
- Новиот парк со сигурност ќе биде совршено место за спорт, рекреација, уживање и културни манифестации. Радосни сме што конечно имаме парк, во кој ќе можеме да ги прошетаме децата, а и да уживаме. Мора да признаеме дека личи како парковите во светските метрополи и дека се надеваме дека ќе има уште многу вакви проекти, ни рекоа задоволните граѓани.

За овој епитет освен зеленилото и многуте пешачки патеки заслужни се и трите вештачки езерца, фонтани, водопадот... За триесетина дена ќе биде изградена и црквата посветена на Свети Никола.

Во рамки на паркот се наоѓа и плоштад на кој во иднина ќе се одржуваат сите манифестации на општината, а на централно место е поставен и споменикот на македонскиот револуционер Јане Сандански.

Изградбата на паркот ја чини Општина Аеродром 450 илјади евра