Домовите на познатите личности

 

 Како живеат славните .....!

Новинарите од списанието за уредување дом "Веранда" имале привилегија да го разгледаат домот на познатата дива Џенифер Лопез и нејзиниот сопруг Марк Ентони во Калифорнија. Заклучиле дека Џенифер својот совршен стил од црвениот килим успеала да го пренесе и во интимниот простор. Белото пијано, скапоцените фигури и кристалните лустери се она што доминира. Мишел Воркмен, дизајнерот кој го уредувал ентериерот, изјавил дека славната актерка е една од најстилизираните личности со кои работел.

 

   

 

Се е гламурозно, а таква е и Џени! Гламур е целата филозофија според која се водевме додека ја средувавме куќата. Просториите дишат во исконски француски стил! Џенифер Лопез сакаше модерна, но и софистицирана куќа, па успеавме да направиме таков баланс", изјавил Воркмен. Со таа изјава се сложиле и новинарите на "Веранда" кои пренеле дека во спалните соби се чувствува женственост и нежност, додека собите за состаноци имаат "машка нота" и дека магијата на домот е токму во тој баланс и префинетост. Бојата на кајсија, сивата, сината, беж нијансите и белата се оние кои доминираат. Освен фотографираните простории, постои уште и игротека, музичко студио и киносала. Привилегираните кои успеале да влезат во еден од најубавите холивудски домови биле импресионирани. Свила, кожа, крзно, природни материјали... тие се најмногу застапени кога станува збор за мебелот" - изјавил еден од посетителите.

Џенифер точно знае што сака и затоа со неа е лесно да се работи. Таа совршено умее да го вклопи светлото и е вистински перфекционист", додал дизајнерот Воркмен.
Единствената забелешка на новинарите за изгледот на домот била "преголемата белина и совршената среденост" поради која се стекнувал впечатокот дека сопругот Марк Ентони и близанците Ема и Макс немале доволно слобода за правење на бели.