Зошто децата се плашат да кажат?

Децата најчесто кријат дека се сексуално злоупотребени и за тоа не кажуваат на никој, но бариерите треба да бидат срушени преку отворен разговор на таа тема.

• Жртвите често молчат и некажуваат на никој за тоа што им се случило заради чувството на срам, вина и страв.
• Децата не кажуваат бидејќи се плашат да не ги разочараат своите родители и да не го „оцрнат” семејството.
• Сторителите манипулираат со децата и многу често се обидуваат да ги збунат за тоа што е добро а што е лошо.
• Многу сторители ги убедуваат децата кои се на помала возраст дека тоа е „игра” и дека „се е во ред”.
• Некои деца жртви на злоупотреба се на многу мала возраст за да разберат дека биле злопутребени и не сфаќаат што се случило со нив, а многу често децата незнаат како и каде да побараат помош.
• Сторителите му се закануваат на детето за да не каже што му се случило.

Се разбира ова се само дел од причините поради кои децата кои биле исложени на сексуална злоупотреба истата не ја пријавиле.

МИТ

Злоупотребувачите им се непознати лица на децата

ФАКТ

Злоупотребувачите им се познати лица на децата и тоа во 80-90% од случаите но може да бидат и непознати

МИТ

Жртви на ваков вид злоупотреба се претежно тинејџери, кои себе си знаат да се заштитат

ФАКТ

Жтрвите се од различна возраст, а повеќе од една третина тоа се деца на возраст од 5 години

МИТ

Децата најчесто лажат за сксуалната злоупотреба

ФАКТ

Децата најчесто немаат искуство, ниту вокабулар точно да ја опишат сексуалната активност на возрасните, ниту лажат со намера себе си да си создадат проблеми

МИТ

Инцестуозните злоупотребувачи злоупотребуваат деца само во сопственото семејство

ФАКТ

Истражувањата покажуваат дека 50% од оваа категорија злоупотребувачи, злоупотребуваат и деца надвор од семејството

МИТ

Ако злоупотребувачот не користи сила, тоа би значело дека детето доброволно учествувало во сексуалната активност

ФАКТ

Злоупотребувачот користи вербални закани или убедувања, како би го навел детето на сексуална активност. Децата не се во состојба да дадат зрела согласност за било каква сексуална активност.

МИТ

Сексуалните злоупотребувачи се ментално пореметени личности, хомосексуалци или ментално ретардирани.

ФАКТ

Повеќето злоупотребувачи функционираат извонредно во многу области на животот; тие се хетеросексуални и функционираат на нормално интелектуално ниво.

МИТ

Сите деца на секоја возраст се потенцијални жртви на злоупотреба

ФАКТ

Да, но најранливи категорија се децата се помеѓу 7 и 13 година. Ова важи и за девојчињата и за момчињата, бидејќи во овој период ја прошируваат социјалната средина и се осамостојуваат.

МИТ

Секое злоупотребено дете веднаш ќе каже за настанот.

ФАКТ

Децата ретко зборуваат за настанот, бидејќи злоупотребувачот им се заканил или им кажал дека тоа е само нивна тајна, помеѓу детето и злоупотребувачот и мораат да ја чуваат.

Понекогаш децата сакаат да кажат сека се злоупотребени, но се плашат дека нема да им веруваат и дека нема да бидат заштитени.

Исто така децата може да се заплашени дека со кажувањето ќе внесат раздор во семјството и ќе бидат одговорни за затворањето на злоставувачот.

МИТ

Сите случаи на злоупотреба се откриваат од страна на надлежните органи во државата и се санкционирани.

ФАКТ

Многу случаи на злоупотреба на децата остануваат непријавени, нерегистрирани и несанкционирани

МИТ

Сексуалната злоупотреба е видлива и забележлива (телесни траги и повреди), дури и за ,,голо око,,.

ФАКТ

Последиците од злоупотребата не се секогаш видливи, најчесто се препознаваат преку однесувањето на детето.

МИТ

Секогаш возрасните ги препознаваат симптомите на злоупотребата кај детето и превземаат адекватни мерки на негова заштита.

ФАКТ

Не сите возрасни знаат да ги препознаат и да ги протолкуваат симптомите на злоупотребеното дете.

Не сите возрасни се доволно добро информирани како да постапат со злоупотребеното дете и каде и кому да се обратат за помош.