Иако позната веќе 5000 години, марихуаната е природна дрога за која се знае многу малку. Потекнува од билката ЦАНАБИС САТИВА. Во оваа група спаѓаат марихуаната и хашишот, односно и двете дроги се добиваат од истата билка. Името на билката доаѓа од грчкиот збор канабис, што значи коноп. Канабисот е најчеста и вообичаено недозволена дрога. Зависно од начинот на приготвување, јачината на канабисот се движи во три категории. Првата категорија го прави канабисот со слаба јачина, подготвен од лисјата на конопот, а познат како марихуана. Средната категорија се добива од лисјата и со пупките, а високо потенцијални облици, кои содржат смола и содржат хашиш.

Марихуаната се добива од врвот на цветовите и горните лисја на женското растение, додека хашишот се добива од смолестиот материјал што се вади од овие врвови (главичките и лисјата). Марихуаната по боја може од светло до средно кафејава, скоро и до црна. По составот таа може да варира од ситни трошки до цврста состојба. Марихуаната најчесто се пуши во цигара, која кај наркоманите е позната под името џоинт (1. џоинт = 1. кутија цигари), Ритер или Стик. Може да се пуши со помош на луле или специјално направени со проширен преден крај. Чадот од марихуаната има силен и остар мирис сличен на мирисот на запалена сува трева или коноп кој гори. Марихуаната може да се џвака, голта или пуши.

Марихуаната ја прифатиле хипиците, за да, со нејзиниот привлечен чад проповедаат алтруизам (несебичност) и мисцизам (таинственост), чесност, радост, ненасилство, искажувајќи на тој начин свој протест против дехуманизираните и оттуѓени опшества. Некои студенти марихуаната ја користат за стекнување задоволство, имигинарна слобода, за да станат креативни, заради нови сензации и искуства. Некои поп музичари, сликари и писатели бараат вештачка стимувација, нови креативни простори најчесто поради недостаток на сопствени, внатрешни поттикнувања. Има личности кои дрогата ја употребуваат без вистински потреби поради желбата за фасцинација (заслепување), необични и настрани (чудни) доживувања.

Еден до два часа по земањето се јавува состојба на еуфорично возбудување. Оваа состојба се карактеризира со физичка и морална лагодност, внатрешно расположение, неодредено спокојство, фантастични слики. Овде воедно можат да се јават депресии, ментална збрка, халуцинации и агресивност. Меѓутоа, не секој чувствува големи ефекти од марихуаната. Една од главните опасности е самата состојба на интоксинираност. Користењето на марихуана може да го наруши или намали брзото меморирање и разбирање да го поремети осетот и да ја намали способноста за извршување на задачи кои бараат концентрација. Воедно, кај наркоманот се јавува: сонливост, раширени зеници, потреба за слатки и зголемен апетит. Според истражувањата, марихуаната многу ги оштетува белите дробови и постои голем ризик од бронцхитис, емфизема и рак на белите дробови; опаѓање на металната мотивација и оштетување на половите органи. Состојките од марихуаната се таложат во црниот дроб, мозокот, белите дробови, слезенката, лимфните ткива и половите органи.