Антонио Милошоски

Вистински хит на социјалните мрежи деновиве претставува фотографија од пратеникот во Собранието, Антонио Милошоски од времето кога бил матурант. Од неа се забележува дека Милошоски значајно го променил имиџот од тогашниот - долга коса, марама околу вратот и кожена јакна. Оваа фотографија, која сепак се најде на фејсбук предизвика позитивни реакции, затоа што во тоа време, кога пратеникот бил матурант, овој имиџ беше препознатлив кај повеќето негови врсници. 
Но покрај ова потсетување на младоста на фејсбук страницата, Милошоски секојдневно постира интересни моменти поврзани со животот и секојдневието. Така денеска најмногу внимание предизвика пратеникот со своето ревносно посветување и делење совети кон своите пријатели и познаници со следнава објава:

Ергени и моми! Знам дека е многу лична и осетлива тема. Ризикувам некој да се налути но ќе кажам, затоа што околу мене забележувам повеќемина, здрави, прави, средени и убави мажи и жени, на свои 30 - 40 години кои сè уште се самци. Не е за радување. Можеби е тешко да се најде правиот партнер/ка, не е лесно да се донесе одлуката за брак, можеби е тешка разделбата од себичноста, можеби плаши одговорноста да се биде нечиј/а сопруг/а и родител, можеби е тешко сè да се поклопи според замисленото, но... Нема ништо потешко од тоа да се остане сам и осамен. Познавам повеќемина такви, не се среќни луѓе. Затоа, додека сказалките се вртат околу средината, да им помогнеме на нашите познати да се свртат околу себе и да погледнат поубаво - сигурно погледите ќе им се сретнат со сродна душа. Идеални нема, но живот има!