Сте си купиле ли некогаш обувки кои сте ги носеле само еднаш, а потоа останале да собираат прашина? За да не ви се случи тоа повторно, наредниот пат кога сте на шопинг, изберете некои од обувките кои се наоѓаат на листата „10 типа обувки кои ѝ се потребни на секоја жена“, составена од женското списание Гламур.

За да ја прослави својата улога на официјален партнер на Канскиот филмски фестивал, Шопард се здружи со познатиот италијански дизајнер на чевли Џузепе Ѕаноти за да создадат уникатен комплет скапоцени обетки и чевли.

Обувките кои се наречени „најскапоцените чевли на светот“ се изработени од розов сатен и луксузен микс од 600 скапоцени камења (дијаманти, розови сафири и рубини). За да не бидат помалку луксузни, обетките се изработени од 18 каратно розово злато, 48 дијаманти и 360 розови сафири.

Скапоцениот сет беше презентиран вчера на добротворната гала вечер на amfAR за собирање на средства против сидата. Нив ги носеше моделот Ања Рубик во комбинација со фустан на Пучи со пердуви во бебешко сина боја.

Ања Рубик ги носеше најскапоцените чевли на светот

„Ги носам, а мојот телохранител е моја сенка“ – изјавила долгоногата манекенка. А, кога ја запрашале дали е среќна со скапоцените чевли, таа одговорила: „Се надевав на повеќе. Јас сум многу амбициозна“.

Чевлите, како и многу други предмети, беа ставени на аукција и достигнаа цена од 140 000 евра.

Ања и Ева Херцигова ги покажуваат луксузните обетки (можеби на Ева не ѝ се допаднаа особено)

На гала вечерта присуствуваа многу славни личности, меѓу кои и Гвен Стефани со нејзиниот сопруг, Карл Лагерфелд, Ева Херцигова, Џенет Џексон и Миша Бартон, а беа собрани рекордни 10 милиони долари.

Бет Шек е меѓу ретките среќнички кои имаат можност да си направат импресивна колекција од чевли. Таа поседува 1200 пара обувки, од кои 700 доаѓаат од рацете на Кристијан Лобутин.

Бет Шек пред нејзината колекција

„Мојата љубов кон обувките започна кога имав 16 години и оттогаш не прекинала“ – изјавила Шек за WWD.

А како Бет заработува за да си го пружи ова задоволство? Таа е професионален покер играч. По секој турнир во којшто учествува, 41-годишната мајка на три деца си купува нови обувки.

Кога ќе го видите нејзиниот плакар, сигурно ќе забележите дека повеќето чевли имаат црвен ѓон, препознатлив за Лобутин. „Ив Сен Лорен е на второ место затоа што нивните чевли се комфорни. Го сакам Ланвин, но не сум човек што ги гледа брендовите. Ако видам нешто убаво, го купувам“ – објаснила таа.

Среќен пар обувки за покер натпревари: „Парот што Волтер Стајгер го направи за мене, затоа што обувките се едни единствени. Тоа се розови салонки со мал црн пик.“

Среќниот уникатен пар салонки на Бет

Најскапи обувки: „Чевли од алигаторска кожа од Кристијан Лобутин. Беа над 4000 долари.“