Чоко бисквит торта

 

За денес ви приготвивме едно неверојатно слатко задоволство. Станува збор за чоко бисквит торта. Веруваме дека самото име е доволен предизвик да го прочитате рецептот и секако да го приготвите.

Еклери со чоколаден прелив

Еклерот е еден од најпознатите француски десерти, a сигурно знаете зошто.

Името „еклер“ доаѓа од францускиот збор éclair што во превод значи молња. Како што можете да приметите, нема никаква логика во избраното име, па ни историчарите не се сигурни за неговото потекло. Но, сите ние сме сигурни дека французите знаеле што прават и тешко дека постои некој што може да остане рамнодушен кон ова слатко задоволство.

Ако сакате да се почестите или пак да ги израдувате вашите најблиски со вкусен десерт, еве едноставен начин да направите еклери. Од една страна ќе бидете сигурни дека ќе избегнете труење, а од друга – јадењата се секогаш повкусни кога самите ќе ги приготвите.

Инструкции за приготвување

Ставете мало тенџере на среден оган. Додајте ја водата, маргаринот и солта. Оставете водата да зоврие.

Во зовриената вода ставете го брашното и убаво мешајте со дрвена лажица на тивок оган, сè додека не добиете хомогено тесто што ќе почне да се одделува од ѕидовите на садот. Преместете го тестото во друг сад и оставете го настрана да се олади.

Во меѓувреме, пригответе го филот. Во голем сад ставете ја слатката павлака, шеќерот и ванилиниот шеќер. Убаво изматете или мешајте со миксер, додека не добиете густ фил. Покријте го садот со фолија и ставете го во фрижидер.

Во претходно изладеното тесто, додајте едно јајце. Убаво промешајте ја смесата, па додајте го наредното јајце. На ваков начин додавајте ги едно по едно и преостанатите јајца, притоа постојано мешајќи. Треба да добиете хомогена еластична смеса.

Со смесата наполнете готварски шприц и користете го најголемиот отвор за шприцот. Врз плех обложен со хартија за печење, направете 9 цилиндри долги околу 15cm, а широки околу 3cm. Во текот на печењето еклерите ќе го зголемат својот волумен, па затоа оставете простор меѓу нив. Ставете ги да се печат 25-30 минути во претходно загреана рерна на 190°C. Откако ќе се испечат, исклучете ја рерната и сосема малку подотворете ја. Исклучително важно е да ги оставите еклерите да се изладат внатре во рерната.

Додека еклерите се ладат, пригответе го преливот. Растопете ги на пареа чоколадото и маргаринот. Ако немате соодветен сад за готвење на пареа, можете да ги растопите на тивок оган, притоа постојано мешајќи.

Откако еклерите ќе се изладат, расечете ги хоризонтално со остар нож од едната страна. Со лажица наполнете ги со приготвениот фил. За крај, секој еклер прелијте го со течното чоколадо.

Лимонови коцки

Лимонови коцки

Сакате да се насладите на убав десерт, но жешкото време ви создава одбивност кон тешките торти и слатки? Тогаш ви предлагаме да пробате нешто едноставно, лесно и многу вкусно – лимонови коцки.

Колачињата со лимон се многу популарен десерт и вистинско уживање за оние кои го сакаат освежителниот киселкав вкус на лимоните.

Инструкции за приготвување

Тесто

1. Премачкајте правоаголна класична тава за печење со тенок слој масло и оставете ја настрана.
2. Во длабок сад ставете ги брашното и шеќерот во прав, а потоа внатре исечкајте го на мали парчиња путерот. Додајте ја и кората од лимон.
3. Со рака или со миксер измешајте ги состојките, така што путерот добро да се соедини со брашното и шеќерот.
4. Ставете го тестото во тавата, со помош на рацете распоредете го рамномерно и со притискање направете слој без празнини.
5. Печете околу 20 минути на температура од 150°С, односно додека тестото не започне да добива златна боја, а краевите не започнат да стануваат кафени.

Фил

Филот треба да се стави додека тестото е жешко, па подгответе го додека тестото се пече во рерната.

1. Во длабок сад ставете ги јајцата и лесно изматете ги. Додајте ги брашното, шеќерот, прашокот за пециво, сокот од лимон и кората. Добро изматете ја смесата.
2. Откако ќе ја извадите тавата од рерна, потурете го тестото со смесата за филот.
3. Вратете ја тавата во рерна и печете уште 20-25 минути на температура од 150-180°С, односно додека не забележите дека филот е зацврстен.
4. Извадете ја тавата од рерна, оставете ја да олади 30-тина минути и ставете ја во фрижидер најмалку 1 час (во најдобар случај треба да ја чувате во фрижидер 4-5 часа).

Исечете го колачот на коцки и поросете тенок слој шеќер во прав. Лимоновите коцки се служат ладни.

Можете да украсите со сезонско овошје како јагоди, нектарини, цреши, боровинки, капини или вишни – сè што ќе ви се најде во фрижидерот.

Чоколадна лава

Кај колачите со чоколадна лава најмногу ќе ве изненади тоа што се толку лесни и едноставни за приготвување. За половина час пред вас ќе имате чоколадни колачи со кремаста течна внатрешност, која ќе ви достави неверојатно задоволство.

Инструкции за приготвување

1. Загрејте ја рерната на 220°C. Подгответе си тава со калапи за мафини или пак форми во кои можете да печете. Премачкајте ги калапите со малку путер или маргарин.
2. Во длабок сад ставете го путерот, исечкан на парчиња, и чоколадото за готвење, искршено на коцки. Потребно е да го растопите путерот за да може во него да се растопи и чоколадото. Ако имате микробранова печка, ставете ги заедно во неа додека не се стопи путерот, а потоа со мешање постепено растопете го во него и чоколадото. Другата опција е да ги ставите во тенџере на тивок оган додека не се растопи путерот, а потоа да го тргнете тенџерето од огнот и да мешате додека не се растопи и чоколадото.
3. Во течната смеса од чоколадо и путер додајте го шеќерот и мешајте додека смесата не се изедначи.
4. Потоа, додајте ги јајцата и жолчките и матете додека не добиете хомогена смеса. На крајот постепено додајте го брашното и добро промешајте за да нема грутки.
5. Во секој калап ставете од смесата, но не ги полнете калапите догоре. Добро е да ги наполните околу ¾ од нивната висина.
6. Ставете ги колачите во рерната и печете околу 7-10 минути, така што однадвор да се цврсти, а внатре меки. Внимателно одделете ги од калапите и превртете ги во чинија. Ако со лажичка пресечете едно парче, од внатрешноста на колачот треба да истече „чоколадна лава“.
7. Послужете ги колачите топли, поросени со шеќер во прав, со топка сладолед, парче овошје и/или шлаг.

Ако сакате да ги изненадите гостите со овој превкусен десерт, можете предвреме да ја приготвите смесата и да ги наполните калапите, па ќе ви остане само да ги ставите в рерна 10 минути пред да ги послужите колачите.