Дајте една лоша вест

 
Англичанецот Џонатан МекГован почнал да јаде мртви животни кои ги наоѓал покрај пат уште на 14-годишна возраст, кога пронашол мртва змија и одлучил да ја зготви и изеде, пренесува „Дејли Мејл“.

Тој вели дека првата змија и не била особено вкусна, но бил заинтригиран. Последните 30 години неговата исхрана се состои од глувци, лисици, стаорци, бувови, гулаби и змии.

Со текот на времето, МекГован увидел и еколошки и кулинарска предност со тоа што јаде само мртви животни покрај патот, меѓутоа, продолжил да купува зеленчук, овошје и зачини. Пролетта, тој објавил и есеј во „Гардијан“ каде го опишува својот начин на исхрана.

„Најчесто пронаоѓам зајчиња, јазовци и фазани. Лисиците се највкусни, немаат ни најмалку маст, а текстурата на месото е цврста и убава. Многу е повкусна од телешкото, затоа што лисиците имаат многу сол. Жабите по вкус се слични со пилешкото, а глувците потсетуваат на свинско. Понекогаш додавам лук, бибер, диви печурки па правам вистински мал гулаш“, напишал МекГован во есејот. Додал и тоа дека само ежот е со многу лош вкус.

МекГован тврди дека немал ниту една негативна последица од ваквата исхрана веќе 30 години, ако не се сметаат повремените гримаси на пријателите.