Увозното ембарго што Косово и го воведе на Србија отвара голема врата за македонскиот производи, согласна е бизнис заедницата. Тие се веќе присутни на косовскиот пазар, но токму од македонскиот деловен центар во Приштина, велат дека тоа е далеку под можностите.

Причината е што повеќето македонски извозници избираат да работат со косовски дистрибутери, наместо да инвестираат во свое претставништво и логистика, а секако и во маркетинг, пракса која, на пример, српските компании во Македонија на големо ја применуваат.

Најмладата држава во Европа е слабо развиена, но тоа не значи дека косовските потрошувачи се далеку зад нас по куповната моќ. Значаен дел од населението работи за некаква странска мисија и заработува плати двојно поголеми од македонскиот просек, а голем дел заработува во сивата економија.

Македонија остварува суфицит во трговијата со Косово, но треба да се има предвид дека најмалку третина од извозот го прават нафтените деривати од ОКТА.

Конк*ренцијата е силна, пред се албанските, а потоа и словенечките и хрватските компании, активно влегуваат на косовскиот пазар. Во последно време интересот расте и од бугарските фирми, а покрај кризата не треба да се занемарат и грчките бизниси. Сите сакаат парче од колачот.

Во меѓувреме Србија правда за ембаргото ќе бара од  Европската комисија и Обединетите нации, со аргумент дека косовксите власти го прекршиле договорот за слободна трговија.....

Aмериканската компанија „Џонсон контролс“ почнува со изградба на втората фабрика во Македонија, инвестиција вредна 20 милиони евра. Камен темелникот ќе биде поставен денеска во Технолошко-индустриската зона кај Штип, на што ќе присуствува и премиерот Никола Груевски. 

Во фабриката ќе се произведува тапацир за автомобилски седишта. Ќе отвори нови 1.400 работни места. Огласот за ангажирање на вработените беше објавен во септември, а се бараа стручни лица во процесот, како инженери за шиење, за кроење, инженери за компјутерски потпомогнато дизајнирање, тим лидери на производна линија, електромеханичари, ревизори за квалитет, проект асистен, како и искусни оператори за шиење. Се очекува фабриката да почне со работа за една година.

Договорите за реализација на оваа инвестиција на „Џонсон контролс“, кој веќе работи на ТИРЗ - Скопје, беа потпишани во септември годинава.

Според премиерот Никола Груевски, инвестицијата ќе биде сериозен придонес за македонската економија, а одлуката за изградба на фабриката е потврда за добрите услови за бизнис во Македонија.

Убави вести од Штип.Доколку навистина се реализираат тие 1400 вработувања, ќе биде сериозен удар за газдите-експлоататори од текстилните фабрики во Штип да конечно им ги зголемат мизерните плати на текстилците за да ги задржат квалификуваните работници во своите фабрики. Инаку живо ме интересира какви се платите и условите за работа во фабриката на Џ.К. во Скопје. Ако има некој информација бујрум.