Утврдено е дека во последниве децении дошло до значителен пораст на зачестеност на алергиски болести во светот, а се повеќе се јавуваат во епидемиски размери и стануваат се поголем светски проблем.

Еве што велат и порачуваат стручњаците:

Алергиските болести, како што се алергискиот ринитис со или без воспаление на синусите и коњуктивит и астма, се најзачестени хронични незаразни болести. Ги напаѓаат лица од сите возрасти, од раното детство до длабоката старост. Се смета дека промените на начинот на живот, особено на традиционалниот начин на исхрана, факторите на внатрешната (грињи, мувла, влакно на пес и мачка, лебарки) и надворешната средина (полени), загадувањето на внатрешната и се поголемата загаденост на надворешна животна средина влијаат врз порастот на овие заболувања.

За особено ризично се смета пушењето на мајката во текот на бременоста, но и подоцна, во текот на доењето и растењето на детето. Доколку возрасно лице или дете ги имаат наведените симптоми кои главно одат без температура, а слабо реагираат на класична терапија, траат или се повторуваат често во текот на годината или, пак, секогаш во ист период, треба да се изврши испитување во правец на можно постоење на алергија. Тоа може да се изврши во специјализирани установи, а меѓу другото вклучува и кожни алергиски тестови.

Најчесто алергиско заболување е алергискиот ринитис. Неговото појавување варира и повеќекратно се разликува помеѓу различни земји, а постојат големи разлики дури и во рамките на една земја помеѓу градски и селски подрачја.

Се смета дека во светот над 500 милиони луѓе боледуваат од оваа болест, а од нив повеќе од 40% (200 милиони) се деца. Зачестеноста на алергискиот ринитис во земјите на ЕУ се движи од 16,9% до 28,5%. Тој може да биде повремен (кај 71% заболени) или постојано присутен. Според степенот на влијание врз секојдневните активности, спортот, работата, школувањето и нормалниот сон се одредува степенот на неговата тежина така што може да биде со благ, умерен или тежок степен. Симптомите опфаќаат кивање, печење и јадеж во носот, затнатост, губење на чувството за мирис и секреција од носот, што може да биде предно или задно со слевање на секретот низ ждрелото.

Симптомите најчесто се јавуваат наутро, но можат да бидат постојано присутни и не мораат сите да се јават кај секој заболен. Ринитисот често се јавува здружен со други алергиски заболувања и состојби- со астмата, алергискиот коњуктивитис, екцематозни промени на кожата, акутно и сериозно воспаление на средното уво, воспаление на синусите и полипоза на носот.

Кога станува збор за алергиско  хронично воспаление на синусите, одамна е забележано дека тоа исто така мошне често се јавува здружено со астма. Од 31% до 72% од лицата со астма истовремено има и хронично воспаление на синусите.

Освен затнатоста на носот, гнојни секреции, кашлање, често е присутна и главоболка, додека температурата не е чест симптом. Врз основа на хроничната алергиска секреција, кај 60% до 75% доаѓа до секундарна бактериска инфекција. Како и алергискиот ринитис, и ова заболување значително го оштетува квалитетот на животот на заболените лица, а особено влијае врз натамошниот тек и на прогнозата на болеста на заболени од астма.

Возрасните лица и децата со астма имаат повеќе ноќни тегоби, повеќе изостанување од работа (училиште), користат повеќе класични лекови за астма, имаат почести влошувања на основната болест, повеќе хоспитализации и воопшто речено, присуството на воспаление на слузницата на горните дишни патишта е важен знак на прогресивно оштетување на функцијата на целиот систем за дишење.

Обидот за превенција на појавата на алергиски болести не дал резултати. Правени се многу студии поврзани со исхраната, елиминацијата на внатрешните алергени и слично, но решенија засега нема.

Бидејќи не можеме да го спречиме јавувањето на алергиските заболувања, можеме да влијаеме врз намалувањето на јачината на симптомите или дури и нивно изостанување во ризичната сезона. Прво треба да се направи обид со отстранување на алергените од внатрешната средина, врз која лицето е сензибилно, или да се направи обид да се одбегне изложување на надворешните алергени кога се тие во најголеми концентрации. Се разбира, тоа е мошне тешко зашто се тие широко распространети алергени со кои сме постојано во контакт- полените и домашните грињи.

Фармаколошката терапија е делотворна и достапна, а во зависност од степенот на тежината на заболувањето се даваат еден, два или повеќе лекови истовремено, за што решава лекарот во договор со пациентот. Најдобро е лековите да се воведат неколку недели пред очекувањето на појава на алергенот и пред јавувањето на симптомите.

Освен класичната терапија, постепено се менуваат сфаќањата во врска со лечењето на алергиските заболувања, зашто секогаш ги има оние што се загрижени поради негативното дејство на лековите врз организмот.

Може да се проба со лекови за алергиски ринитис од областа на алтернативната медицина, хомеопатски лекови од растително потекло, кои се во употреба низа години. Им се даваат и на возрасни и на деца, можат да се користат самостојно, но и како дополнение на традиционални лекови. Брзо дејствуваат, а нивната подносливост е одлична. Тоа се полинол, кој се користи кај алергискиот ринитис и со чија употреба се почнува две недели пред очекуваните тегоби и Cinnabsin за акутно и хронично воспаление на слузницата на носот и синусите.

Комбинираниот хомеопатски лек полинол во составот го има и интересното растение Galphimiа, кое потекнува од езготичните краишта на Латинска Америка т.е. Мексико, каде што традиционално се користело кај лечењето на астма и алергии. Во периодот пред цутењето на растенијата, на чиј полен сте алергични, полинолот треба да се користи 4-6 недели како превентива.

Во секој случај, благодарение на големиот спектар на лекови што се на располагање, нема причини возрасно лице или дете со алергиско заболување да нема задоволувачки квалитет на животот во кој било дел од годината. Затоа е важно навреме да се постави дијагноза и барем 2 недели пред појавата и на алергените и на симптомите да се започне со соодветна терапија.

Пет начини да ја ублажите алергијата

Многу луѓе страдаат од алергија на  почетокот  од пролетта, но  и промената на животните навики може да ви предизвика проблеми. 

Еве што уште, освен лековите може да ви биде од помош.

1. Елиминирајте ги опасностите колку што е можно

Елиминирајте ги сите билки на кои што сте пречувствителни. Доколку е можно останете повеќе време во затворен простор, додека цветаат билките, избегнувајте долго задржување во природа, а активностите извршувајте ги подоцна.  Пожелно е да носите очила за сонце. Неколку пати дневно мијте ги лицето и очите, а после „контактот“ со природата, променете ја веднаш облеката и исперете ја старата.

2. Винавајте што јадете

Некои производи можат да влијаат негативно на вас, додека некои ви помагаат да се изборите со симтомите. Поради своите состојки, особено витаминот Ц, може да ве заштити од алергија и астма. Кората од јаболка содржи антиоксиданси кои го подобруваат функционирањето на плуќата, а слични состојќи содржат и лукот, доматот, портокалот и јагодите. Антиоксидансите кои се скриени во црното грозје имаат силни моќи кои докажано делуваат врз симптомите на алергија. Од друга страна избегнувајте целер, праски, киви и дињи, бидејќи истите можат да го предизвикаат дополнителни потешкотии.

3. Внесувајте доволно витамин Ц

Алергиските стимуланси создаваат хистамин, одговорен за вообичаените сезонски тешкотии кои се поврзани со алергијата: кивање,  течење на носот. Со додавањето на оптимална доза Витамин Ц, се намалува делувањето на хистаминот. Погрижете се во текот на денот да внесете 2.000 мг витамин Ц.

4. Рибино масло како додаток во исхраната

Оваа, здрава врста на масло има антиинламаторен ефект, поради што се користи при лечење и первенција на срцеви заболувања. Корисно е и  во терапијата за покачен холестерол во крвта, за хидратација на кожата, како и за подобрување на фунциите на дигестивниот систем. Се препорачува конзумирање на 2.000-6.000 мг. дневно, заедно со храна.

5. Користете природни лекови

Камилицата има својства, кои помагаат при црвенило и солзење на очите. Држете три до пет минути оладена ќесичка од чај од камилица на очите.

Копривата делува како антихистаминик кои помага да се намалат симптомите на алергија како што е чешањето на очите. Со цел да ги ублажите симптомите пијте чај од коприва, а можете да пронајдете и таблети со екстракт од коприва.

Нането е добро за дишните патишта, а најдобро е да пиете чај од свежи или сушени листови нане.

Чајот од мајчина душичка помага кај лечењето на кашлица или гушење предизвикано од алергија.

Лутата пиперка е богата со витамини кои спречуваат ослободување на хистамин, кверцетин, како и други хемикалии кои предизвикуваат воспаление и симптоми на алергија.