Духовност преку смртта

Токму така. Поради таа поврзаност мораме да сме свесни дека се што правиме има последици во околината. Суфистите продираат длабоко во психологијата кога тврдат дека и кога правиме најбанална работа како купување сапун влијаеме на својата околина.

Затоа се валидни зборовите на Исус кога тој вели дека се што им правиме на другите, всушност нему му го правиме или себеси си го правиме.   

Интересно е искуството на вујко ми кој пред 10 години имаше инфаркт и со тоа доживеа два пати клиничка смрт. Раскажуваше како никогаш полесно во животот не се осетил, лебдел со таква леснотија кога од таму наш починат предок му рекол дека времето се уште не му е дојдено и го вратил назад.

Вујко ми ја преживеа операцијата и 10 години по неа воопшто не отиде на преглед. Ова лето повторно го стегна срцето и повторно заврши на сериозна операција во „Филип втори“. Кога сите го прашуваа „како е можно 10 години да не се прегледа?“, тој само одговори „А што ќе ми е преглед кога ионака не се плашам од смртта? Ако ми е времето дојдено ионака нема да можете да ме спасите“.