Пивото е најздравиот алкохолен пијалок

Доколку се пие во умерени количини, пивото е најздравиот алкохолен пијалок, се наведува во извештајот на организацијата „Beer academy“ која им помага на луѓето да уживаат во пивото.

Пивото е богато со витамини, минерали и антиоксиданти, содржи значителен процент на растворливи влакна, и има релативно ниска калорична вредност во однос на другите алкохолни пијалоци, пренесува британскиот весник „Дејли мејл“.

- Пивото содржи витамини кои ви помагаат да задржите урамнотежена здрава исхрана, минерали како силициум кои го намалуваат ризикот од остеопороза и лесно ги апсорбира антиоксидантите, изјави портпарол на „Beer acadey“ .

Спроведеното истражување покажало дека 61 отсто од Британците, сметаат дека пивото е нивни национален пијалок, десет отсто рекле дека пивото содржи маснотија, додека 13 проценти мислат дека овој алкохолен пијалок се прави од хемикалии, а не од јачмен, наведува британскиот весник