Секој 25-ти менаџер е психопат

Кога ќе ја пополнувате следната апликација на конк*рсот за вработување во некоја од македонските фирми на позицијата менаџер, не пропуштајте да наведете, покрај останатите квалификации, дека сте и класичен психопат. Уште подобро ако имате препорака лично потпишана од овластен лекар…

Неодамнешната психолошка студија, чија примарна цел била утврдување на психолошката состојба на раководните структури во американските фирми, неочекувано покажала дека однесувањето на голем дел од менаџерите во фирмите потполно се согласува со однесувањето на психопатите.

Како што пишува британскиот "Дејли мејл", американските психоози Пол Бејбјак и Роберт Хер, подлабоко анализирајќи го однесувањето на менаџерите на неколку американски претпријатија, дошле до вознемирувачки заклучок дека секои 25-ти шеф е некој вид на психопат. 

Бејбјак објаснил дека до ваквиот неочекуван заклучок стигнале преку симултана компарација на тестовите кои ги пополнувале менаџерите и психички пореметените личности, притоа утврдувајќи дека секој 25-ти менаџер во просек давал идентични одговори на прашањата на тестот како и лицата со трајни пореметувања во однесувањето. Спрема мислењето на стручњаците, психопатите не се и не можат да бидат добри шефови, затоа што лошо влијаат на однесувањето на останатите вработени..

"Тоа се лица со екстремно лоши менаџерски способности, но исто така, со екстремно добри способности за прикривање на слабостите", се наведува во заклучокот на студијата