Машка мода

 Бела кошула со долги ракави е основното модно парче на машката елеганција: создадена за костум, но и за со фармерки за полежерен стил.

Добро би било во плакарот да се има и тенок џемпер со тркалезен или “V” отвор, кој може да се носи низ поголемиот дел од годината.

Тој одлично оди во комбинација со кошула одоздола, додека со “V” отвор можете да се комбинира и обична памучна маица.

Што се однесува до фармерките, добро би било да  се има неколку темносини или сини фармерки со рамен крој, тие никогаш не излегуваат од мода.

Уште едно модно парче, белите маици со куси ракави, никогаш не излегуваат од мода. Тие можат да послужат и како маици за спиење, за одење во теретана, а можат да се носат и под кошула или џемпер.

Кога станува збор за спортска облека треба да имате и тренерка, но нека не биде сосема класична. Најпожелен модел на тренерки се оние кои што можат да се носат во секојдневна варијанта, па со нив да се отиде дури и на пијалак. По можност нека биде во светла боја.

Што се однесува до костум и вратоврска, еден добар костум во кој не изгледате премногу „уфирцано“, секако треба да се има. При избор на вратоврска потрудете се таа да биде едноставна и да одговара на повеќе кошули и за различни прилики.

Кога станува збор за обувките, не се може без елегантни чевли, било да станува збор за деловна прилика или приватна. Одберете модел кој не е премногу шпицест, затоа што така можете да го комбинирате на повеќе начини.

На крајот – очила за сонце. Нема потреба да купувате екстравагантни примероци. Класичната црна рамка и квалитетно црно стакло е се што треба да имате за да можете да ги носите повеќе сезони.