Друмска кафана-пушална III

Алкохолот на тинејџерките им го уништува чувството за простор

- Тинејџерите, особено девојките, кои тешко се опиваат ризикуваат да си нанесат непоправлива штета на делот од мозокот што ги контролира помнењето и чувството за простор, велат истражувачи од Калифорнија.
Мозокот кај младите жени е особено осетлив на штетното влијание на алкохолот бидејќи тие порано се развиваат од мажите.
Истражувачите ги спроведоа тестирањата врз 95 адолесценти на возраст од 16 до 19 години во неколку универзитети низ САД, а резултатите беа објавени во журналот "Алкохолизам: Клинички и екпериментални истражувања".
Истражувачите регрутирале 27 момчиња и 13 девојки кои редовно тешко се опиваат и им дале невропсихолошки тестови и тестови за "просторно помнење".
Девојките во оваа категорија се квалификувале ако пијат повеќе од три големи кригли пиво или четири чаши вино на едно излегување. Момчињата пиеле четири кригли пиво и шише вино.
Истите тестирања потоа биле спроведени на 31 момче и 24 девојки кои немале епизоди на тешко опивање и потоа биле споредени резултатите.
Со помош на снимките од магнетна резонанца тимот истражувачи откри дека некои од тинејџерките кои тешко се опиваат имаат помала мозочна активност во некои региони на мозокот во споредба со девојките кои не пијат, за време на извршувањето на истите просторни задачи од тестирањето