Видеата на YouTube

   Има повеќе сајтови на кои можете да гледате и да поставувате видеа, но има причина зошто YouTube е најпопуларен таков сервис. Покрај екстремно големата база на корисници, постојат и многу алатки на располагање кои одат заедно со овој видео сервис. Еве неколку од нив.

ListenToYouTube

Доколку сте заинтересирани само за аудиото на некое YouTube видео и сакате брзо да го рипувате, тоа можете да го направите преку ListenToYouTube. Внесете го URL-то на видеото од кое сакате да го преземете звукот или песната и потоа можете да ги даунлоадирате на вашиот компјутер како MP3 фајл. 

Направете си рингтон

Со MadRingtones можете брзо и лесно да направите рингтонови од YouTube видеа: го внесувате URL-то од видеото или MP3 фајлот и потоа кликате на Load. Можете да одредите кога ќе биде почетокот/крајот на тонот и потоа да го даунлоадирате на вашиот компјутер како MP3, AMR, OGG или M4R фајл. 

Исечете го само интересниот дел

Сакате да го покажете некому само делот од видеото кога започнува вистинската акција да речеме од 3-та минута и 22 секунда? Се што треба да направите е да додадете #t=03m22s (#t=XXmYYs, XX се минутите, а YY секундите) на крајот од URL-то од видеото. Или можете истото да го направите на TubeChop и Splicd. И двете веб страници овозможуваат преку внесеното URL на видеото да го задржите само делот кој ве интересира, а останатото да го исечете. Потоа можете да го поставите „исеченото“ видео на вашиот блог/веб страница или да го споделите со пријателите.

Видео аларм

Ова е едноставен онлајн аларм кој ве разбудува со YouTube видео по ваш избор. Наместете го времето и изберете го видеото кое го сакате. Не е потребно регистрирање.

Додадете превод

Ако некогаш посакате да додадете превод на некое видео на YouTube тоа можете да го направите преку веб сервисот Subyo. Пред да започнете ќе треба да се регистрирате и да отворите сметка. Следното нешто е да го внесете URL-то во одреденото поле и да кликнете на „Add Subtitles“. Видеото ќе се аплоадира во Subyo едиторот каде можете да започнете да го додавате преводот.

Направете ремикс

Со помош на YtDub можете да правите измиксате едно видео со аудиото на некое друго видео од YouTube. Функционира едноставно, само внесете го ID-то на видеото кое сакате да го миксате и од видеото чие аудио ќе го искористите како позадина, кликнете „Dubbo“ и ќе добиете линк кон вашиот ремикс.

Како да преземате видеа од YouTube

YouTube им дозволува на своите корисници да поставуваат и да споделуваат видеа, меѓутоа не нуди и начин за нивно преземање. Меѓутоа, постојат многу други сервиси кои го овозможуваат тоа. Еве неколку од наједноставните за користење.

Add a Kiss - ако го додадете зборот „kiss“ на URL-то на видеото кое сакате да го преземете, ќе бидете пренасочени кон веб страница каде можете да го направите тоа. На пр. доколку URL-то е http://www.youtube.com/watch?v=dMH0bHeiRNg заменете го со http://www.kissyoutube.com/watch?v=dMH0bHeiRNg. Кога ќе кликнете ентер ќе бидете пренасочени на веб страницата каде ќе можете да го преземете во .flv формат или да го конвертирате во некој друг формат.

На YouTube Catcher доволно е само да го внесете линкот и да го преземете видеото, а на истиот принцип функционираат и Keepvid.com и Tube Leecher кои се многу едноставни за користење. За повеќе начини како да преземате YouTube видеа погледнете тука.

Изменето од TheHacker - 15.Јули.2010 во 11:55