МАКЕДОНИЈА...и се е можно!?

Европски приватни автобуси, ама со исклучена клима

Приватниците не се заинтересирани да ги вклучат клима-уредите ниту, пак, вентилацијата, бидејќи не сакаат да им се троши и онака скапото гориво

Снежана Калабакова



....................
Ленин Јовановски, директор на приватното превозничко претпријатие „Слобода превоз“ вели 90 отсто од нивните 80 увезени половни автобуси не се климатизирани, но имаат добра вентилација. Од вкупно увезените многу малку се климатизирани. 

„Оние што немаат клими имаат одлична вентилација и во нив навистина е пријатно. Ако ветилацијата функционира, автобусот не троши толку бензин, но мора да работи алтернаторот и при неговата работа му одзема од силата на моторот, кој, пак, дополнително се напрега и троши повеќе гориво. Вклучената клима троши уште повеќе бензин и затоа возачите најчесто избегнуваат да ја вклучат, бидејќи горивото навистина е скапо, признава Војо Велевски, еден од основачите на приватното претпријатие „Макекспрес“.

За приватните превозници дополнителен проблем во периодов е и намалениот број патници, а со тоа и намалените приходите. Слабата заработувачка велат ги тера да штедат. Некои доддаваат дека наскоро тоа ќе го забележат и вработените од ЈСП, бидејќи климатизираните автобуси тврдат трошат многу повеќе и покрај тоа што станува збор за еуро мотори со електроника. Потрошувачката велат воопшто не е мала како што им се прикажувало кога ги купувале половните автобуси на производителите „Ман“, „Мерцедес“ и „Волво“.