Споменик на Александар на плоштад Македонија

Бегајте од Александар кога грми

Споменикот сам по себе е громобран, но луѓето што ќе се најдат до не­го се во огромна опасност, вели Љубе Магденовски, експерт за гро­моб­ра­ни

Скоп­ски­от плоштад нема заштита од громови, па кога грми, експертите пре­дуп­ре­ду­ва­ат дека не треба да се биде во близина на споменикот на Алек­сан­дар Македонски, кој сега е највисокиот објект во овој дел на центарот. Спо­ме­ни­кот сам по себе е громобран, но луѓето што ќе се најдат до него се во огромна опасност, вели Љубе Магденовски, експерт за громобрани.

"Ме­чот на Александар, кој сега е највисоката точка на Плоштадот, е иде­а­лен повикувач на громови.

Ако тргнеме од претпоставката дека споменикот има одлично изведена громобранска заштита, опасност за Александар не­ма, тој ќе го спроведе громот во земја, но луѓето што би се нашле во бли­зи­на може дури и да загинат. Нив громобранот на споменикот не ги штити, а повикувањето громови со висината на споменикот е неколкукратно зго­ле­ме­но. Опасноста е зголемена и со тоа тоа што воинот ќе стои во фон­та­на, во вода која е голем спроводник, а близината на Вардар, пак, го прави спо­ме­ни­кот беспрекорен повикувач на громови", вели Магденовски.
Тој тврди дека, за да нема жртви, на скопскиот Плоштад под итно му е пот­реб­на громобранска заштита, и посочува дека овој отворен простор тре­ба да се заштити од громови на сличен начин како што се врши заш­ти­та­та од громови на аеродромските писти.
"На Плоштадот досега единствени своевидни громобрани му беа стол­бо­ви­те со рефлектори. Тие беа највисоки и први на удар на громовите, но не беа толку големи повикувачи како што е сега споменикот. Јас од март годинава се обидувам да стапам во контакт со градоначалникот на Оп­шти­на Центар, која ги поставува спомениците, за да посочам на опасноста, но тој никако да најде време. Се поставија толку многу споменици, а ниту еден громобран за заштита на оние што ќе дојдат да ги гледаат", вели Маг­де­нов­ски.
Од Општина Центар не добивме одговор на прашањето дали кога ги пос­та­ву­ва­ат спомениците водат сметка за поставување и на громобрани. Од Гра­дот, пак, велат дека немаат предвидено средства во буџетот за оваа на­ме­на, но, сепак, најавија дека ќе ја разгледаат можноста за заштита на
Плош­та­дот од громови. (М.И.П.)

ова ми ја разубави темата за ГРОМОБРАНИТЕ