Поучни случки

Кралот и вештерката 

  Младиот крал Артур бил препаднат и фатен од крал од соседното кралство додека скришно ловел во неговите шуми. Кралот можел веднаш да го убие, бидејќи тоа било казна за сите кои би се осмелиле да крадат во неговиот кралски имот, но тој се сожалил пред младоста на Артур и му понудил слобода во замена за одговор на едно тешко прашање: Што навистина жените сакаат? 

  Вакво прашање би ги оставило без одговор и најстарите мудреци и младиот Артур бил убеден дека е невозможно да се одговори на тоа прашање. Како и да е, подобро да најде одговор отколку да умре, па така се вратил во своето кралство и почнал да ги испрашува своите поданици. Разговарал со принцезите, кралицата, со чесни и нечесни жени, мудреците, па дури и со дворскиот шут, со сите. Но, никој не му дал задоволителен одговор. Меѓутоа, сите го советувале да побара одговор кај старата вештерка, бидејќи единствено таа го знаела вистинскиот одговор. 
  Цената била голема, бидејќи старата вештерка била на далеку позната по своите прескапи услуги. Конечно дошол и последниот ден од годината и Артур немал друго решение, туку да разговара со вештерката. Таа се согласила да му одговори, но во замена сакала да се омажи за Сер Гвејн, нај паметниот витез на Округлата маса и најдобар пријател на Артур. 
   Младиот Артур исплашено гледал; вештерката била грбава, и многу грда, имала само еден заб, околу себе ширела смрдеа и испуштала необични крици и звуци. Во својот живот Артур никогаш не видел поодвратно суштество. При самата помисла да го замоли својот пријател да ја ожени оваа наказа, се исплашил и си заминал. Но, Сер Гвејн дознал што се случило и одлучно рекол дека вреди да се жртвува за животот на својот пријател и за зачувувањето на Округлата маса.
   Свадбата била најавена и откако била подготвена целата церемонија, вештерката во својата пеколна мудрост рекла: "Секоја жена сака да биде господарка на својот живот!".
Откако го изговорила тоа, сите присутни веднаш признале дека кажала голема мудрост и дека целосно била во право. И така младиот Артур се спасил. Откако го слушнал одговорот кралот на соседното кралство му ја вратил слободата на Артур и правото на живот. 

  Свадбата била раскошна, присуствувале сите дворјани, а Артур истовремено чувствувал големо олеснување и огромна тежина. Сер Гвејн цело време бил насмеан, љубезен и со цел респект кон гостите, според своите стари семејни обичаи. Старата вештерка направила вистински скандал со своето најлошо однесување: јадела со рацете како животно, без прибор за јадење, испуштала застрашувачки звуци и неподнослива смрдеа околу неа. 
   Конечно дошло време за првата брачна ноќ и додека ја чекал својата невеста во спалната соба, Сер Гвејн здогледал како му приоѓа најубавото женско суштество кое не можел да го замисли. 
   Целиот воодушевен прашал што се случило, а на тоа младата убавица му одговорила дека тоа е таа, вештерката... и дека половина време со него ќе го помине како вештерка, а половината како убавица, поради тоа што тој за цело време бил добар кон неа. Исто така го запрашала, кој нејзин лик го сака преку ден, а кој лик во ноќите. 
Колку сурово прашање!

   Сер Гвејн размислувал, дали преку ден покрај себе да има убавица која ќе може на сите да им ја покажува без страв и срам, а ноќите во интимата покрај себе да има застрашувачка вештерка??? Или преку ден пред пријателите да се појавува со вештерка, а интимните моменти да ги поминува со убавица???

Пред да го прочитате одговорот, што би одбрале вие?

***

   Сер Гвејн и дозволил таа самата да одлучи. 
Откако го слушнала тоа вештерката, рекла дека секогаш ќе биде убавица и дење и ноќе, бидејќи ја почитувал и и' дозволил да биде господарка на сопствениот живот. 

  Поука - Не е важно дали жената е убава или грда, во суштина... секогаш е ............!!!