Чевли и сандали

Како да го продолжите векот на чевлите

Секоја жена знае колку е тешко да се најдат совршени чевли кои освен тоа што изгледаат убаво истовремено се и мошне удобни за носење. Сепак, откако ќе ги пронајдете единственото нешто на што размислувате е како да ги носите што подолго. Еве неколку совети како да го продолжите векот на вашите чевли.

1.По купувањето однесете го новиот пар на чевлар и побарајте да ви стави гумен ѓон. На тој начин ќе оневозможите да ви пуштаат вода, па ќе можете да ги носите и во врнежливи денови.

2.Не се откажувајте од омилениот пар само ако чувствувате дека малку ве стега. Чевларот може да ви ги рашири чевлите за да ви бидат удобни. Од друга страна доколку чувствувате дека ногата ви излегува можете да купите посебни влошки кои ќе го пополнат просторот.

3. Кога надвор постојано врне дожд или снег, на неколку дена испрскајте ги своите чевли со водоотпорен спреј. Тој ќе ги заштити од негативното влијание на водата.

4. Менувајте ги флекните почесто. Освен тоа ако сакате чевлите да ви траат подолго избирајте модели со квалитетна потпетица.

5.Наместо на еден голем куп, земете кутии и убаво наредете ги своите чевли. Така ќе спречите оштетување и ќе ги заштитите од најразлични влијанија.