Тренерот на Милан, Масилијано Алегри изјави дека одбраната на неговата екипа многу се поправила од јануари месец, што е главна причина за успехот. Поранешниот европски шампион е осум бода пре градскиот ривал Интер на четири кола до крајот на сезоната во Серија А. Милан постигна и најмногу голови во лигата, а прими само 23, што ја прави екипа со најдобра одбрана. На Алегри му се допаѓа тој податок. "Навистина ми се допаѓа овој Милан. Од јануари екипата се промени, се сме подобри во одбраната. Како и обично, тимот со најдобра одбрана секогаш го освојува Скудетото" задоволен изјави Алегри. Ако Милан дојде до титулата, тоа за нив ќе биде прва по 2004-та година.

Дефанзивците Таје Таиво од Олимпик Марсеј и Филип Мексес од Рома од следната сезона ќе настапуваат за новиот италијански шампион Милан, пренесуваат светските агенции, а се очекува само комплетирање на ситни детали за официјализирање на трансферите.

Тренерот на Милан Масимилијано Алегри откри дека клубот од Милано потпишал договори со Таиво и Мексес. Двајцата фудбалери како слободни играчи доаѓаат на „Сан Сиро“.

Алегри веста ја соопшти во пресрет на вториот полуфинален меч од Купот на Италија кој миланезите утре го играат на Сицилија против Палермо. Со ангажманот на Таиво и Мексес, Алегри рече дека Милан нема да врши други корекции на дефанзивната линија.

По повеќе месеци неизвесност Кларенс Сидорф сепак го птродолжил договорот со Милан на уште година дена.

Холанѓанецот така ќе ја мине и својата десета сезона во Милан, каде дојде 2002. година од Интер.

Оваа сезона Сидорф одигра 30 меча во Серија А, а на 23 беше во стартниот тим.

"Росоњерите" сакаат на "Сан Сиро" да го доведат дуото од Баерн Минхен, Клосе - Швајнштајгер. Искусниот напаѓач би можеле да го доведат бесплатно.

По кој знае кој пат во италијанските медиуми се наведува дека Миланезите бараат квалитет играч за врска кој делува по левата страна, но и играч кој би му правел друпштво на Златан Ибрахимович во нападот.

Како што пренесува "Тотуспорт", Швајнштајгер Клосе би можеле во пакет да стигна во миланскиот клуб.

Бастијан потпиша нов договор со Баварците до 2016. година, но по заминувањето на Ван Гал, постои можност да го раскине договорот со минхенскиот гигант.

Популарниот "Швајни" би бил во тимот заедно со поранешниот клупски другар, Марк Ван Бомел, доколку дојде на "Сан Сиро".

На Милан му недостасува уште еден играч од типот на Ибрахимович, класичен напаѓач, а Клосе би можел да биде идеално решение бидејќи му истекува договорот со Баварците

Постојат три опции за иднината на ''росоњерите''. им се заканува финансиски колапс, Руси или Арапи спасители? ''Убавата Барбара'' на чело?

Казната од 560 милиони евра за фирмата на Силвио Берлускони, можеби нема да има никаков ефект на трансфер политиката во Милан ова лето, но би можела да предизвика драматични ефекти во иднината на најтрофејниот клуб на Италија.

Статијата во денешното издание на ''Газета'' под наслов ''Милан - нови пари'', укажува на трите опции кои менаџментот на клубот вчера ги разгледувал.

На состанокот присуствувале 10 луѓе од врвот во раководството на Милан, кои се сложиле дека Барбара Берлускони може да го превземе клубот, но да дозволи инвеститори како ''Газпром'' или ''Араб фонд'' да купат дел од акциите.

Барбара изразила желба да го задржи Милан, додека од ''Фининвест''велат дека би го продале клубот. Постои опција дел од фирмата да се одвои од ''Фининвест''.

Сепак, опцијата според која Берлускони би продала 30 отсто од акциите на арапските инвеститори високо котира на листата. Третата можност е клубот да излезе на кинеската берза.

Медиумите на Апенините веруваат дека претседателот како и минатите години ќе дава пари за трансфер од џеп

ГАТУЗО: НЕ МИ ТРЕБААТ ПАРИ ЗА ДА ИГРАМ ЗА МИЛАН

Фудбалерот на Милан, Џенаро Гатузо изјави дека е спремен да игра безплатно кога ќе се врати на терен по повредата на окото.

Гатузо не игра уште од 9ти септември кога се судри со соиграчот Алесандро Неста, а потоа му беше поставена дијагноста - миастенија, автоимуна неуромускулна болест.

На Италјанскиот фудбалер договорот со Милан му истекува на крајот од сезоната, но Гатузо изјавува дека е спремен и без пари да игра за Милан.

„Му реков на Галијани дека не се работи за пари. Сакам да се вратам и да играм“ изјави Гатузо.

Џенаро Гатузо во Милан е уште од 1999 година и во кариерата има освоено се што може да се освои, вклучувајќи ја и титулата светски првак од 2006та година.

„Јас живеам за фудбалот. Имам 34 години и никогаш не сум размислувал да престанам да играм“ заврши темпераментниот Гатузо.