Фан клуб Челси

Тренерот на “сините“ призна дека неговиот тим не играл според очекувањата и дека тоа можело скапо да го чини.

Карло Анчелоти призна дека серијата лоши резултати на Челзи можеше да значи отказ за него, но и дека не е загрижен за својата позиција, иако управниот одбор на Челзи не ја исклучи можноста тој да си замине ова лето.

“Не морам сега да зборувам за мојот договор. Јас сум вработен тука и среќен сум тука. Договорот ми истекува 2012. година и по крајот на следната сезона ќе ја донесам својата одлука“ - изјави Италијанецот по победата над Манчестер Сити од 2:0.

“Многу добро знам дека тимот спиеше цели два месеци. Во тие тешки моменти имав голема поддршка од сите во клубот и од играчите. Голем број тренери кои ќе преспијат толкав период сега се дома и средбите ги гледаат на телевизија“ - додаде Анчелоти

Според најновите ''инсајдерски'' информации од Лондон, Челзи планира во своите редови да го доведе Карлос Тевез!

Медиумите на Островот велат дека Роман Абрамович подготвува 40 милиони фунти за итроногиот напаѓач, што би довело до "тандем од соништата" во редовите на "сините" следната сезона.

Сити сака да го задржи својот капитен и еден од најдобрите фудбалери, но тешко дека ќе успее да ја оствари таквата своја идеја, бидејќи Аргентинецот повеќе пати сезонава се пожали на животот во Манчестер, па дури и побара да биде продаден. Од друга страна, и менаџерот на Сити, Роберто Манчини изјавил дека не сака незадоволни играчи во екипата и дека ако некој сака да замине тој нема да му стои на патот.

Самиот Тевез не би имал ништо против да остане во Премиер лигата, а Манчестер Сити најавува големи засилувања ова лето, па би можеле паметно да ги вложат парите од продажбата на незадоволниот играч.

Според извештаите на "Скај Спортс", поранешниот италијански фудбалер, Џанфранко Зола прерасна во најголем фаворит за превземање на клупата на Челзи од следната сезона.

По неделниот пораз од Манчестер Јунајтед (1-2) на "Олд Трафорд" стана се поизвесно дека Челзи нема да ја одбрани титулата англиски првак, што за менаџерот Карло Анчелоти, според пишувањето на локалните медиуми, беше последна сламка, за спас на своето работно место иако договорно е врзан со "сините" уште година дена.

44-годишниот Зола ги бранеше боите на Челзи меѓу 1996. и 2003. година и во тој период за клубот постигна 80 гола на 312 меча. Зола е омилен меѓу навивачите на Челзи, а доколку навистина ја превземе клупата на Челзи тоа ќе му биде втор менаџерски ангажман во кариерата, откако во периодот меѓу 2008. и 2010. година го водеше Вест Хем.

Клубот од "Стемфорд Бриџ" засега ги одбил коментарите за вакви медиумски шпекулации.

Управата на Челзи објави дека ја раскинала соработката со Карло Анчелоти. Италијанскиот стратег за две години на клупата на лондонскиот прволигаш го водеше тимот до двојна круна во дебитантската сезона, но оваа сезона заврши без трофеј што е главна причина за разделбата.

Управата на клубот излезе во јавноста со соопштение само неколку часа по поразот на Челзи од Евертон во последното коло од Премиер лигата.

"Сопственикот и управата на клубот сакаат да му се заблагодарат на Анчелоти за неговиот допринос, од кога го превзема клубот во јули 2009. година, водејќи го клубот до првата двојна круна во историјата. Сепак, резултатите сезонава се под очекувањата и во клубот веруваме дека право време е да се направат промени за подготвени да ја дочекаме следната сезона. Карло секогаш ќе биде добредојден на 'Стемфорд Бриџ'." - се вели во соопштението на официјалниот веб сајт на Челзи.

Гус Хидинк и Андре Виљаш Боаш се споемнуваат како главни кандидати за наследник на Анчелоти.

Според информациите на англиските медиуми од утринава, Дидие Дрогба сака да си замине од Челзи и во овој преоден рок да се пресели во Тотенхем!

Тој немаше баш сјајна сезона, боледуваше од маларија, пред да го достигне своето ниво.

Кога во јануари во Челзи дојде Фернандо Торес, беше јасно дека е пред крај неговата мисија на ''Стемфорд Бриџ''. Сега Челзи најавува уште засилувања за напаѓачката линија, па речиси е извесно дека 33-годишниот шпиц ќе замине. Покрај него, нов ангажман, би можел да побара и Николас Анелка.

Тренерот на Тотенхем, Хари Реднап, силно го посакува фудбалерот од Брегот на Слоновата Коска, а наводно самиот Дрогба побарал да биде ставен на трансфер листата, за лондонскиот клуб да го откупи.

Голгетерот е моментално на одмор, а повеќе околу неговиот статус ќе се знае во следните неколку недели.

Виљаш-Боаш официално ќе биде претставен во јули, кога тимот ќе се собере за прв пат пред новата сезона. Челзи во писмена изјава потврди дека Португалецот се враќа во клубот во кој беше асистент на Мурињо, пред неколку години. "Сите сме среќни што Андре е повторно со нас, тој е добар човек и одличен тренер. Се работи за млад, но одличен тренер кој веќе се докажа" соопшти клубот. Се зборува дека кога во понеделникот Челзи го доби и последното 'не' од Гус Хидинк, првите луѓе на клубот повеќе не сакаа да чекаат. Двајца играчи на Порто се на мета на новиот менаџер, еден е искусниот Мутињо, а вториот е одличниот Колумбиец, Радамел Фалкао. Ќе видиме дали ќе се реализираат трансферите на споменатите двајца играчи.