Најголемиот бразилски талент на денешницата, Нејмар се уште се двоуми за тоа каде би ја продолжил својата кариера откако ќе го напушти Сантос.

Со неговата последна изјава се чини дека Бразилецот е се поблиску до екипата на Барселона.

За ангажман на Нејмар се загреани лутите шпански ривали Барселона и Реал Мадрид, а Нејмар откри дека неговиот идол и добар пријател Роналдињо му го препорачал каталонскиот клуб за кој и тој еден период од кариерата настапуваше.

-Роналдињо секогаш бил пример за мене. Секогаш сум ги слушал неговите совети. Во еден момент тој ми зборуваше прекрасни работи за Барселона, за клубот и за градот, изјави Нејмар.

Договорот на Нејмар со екипата на Сантос завршува во 2014 година, а кога беше запрашан дали постои шанса тој да се пресели во Европа и пред истекот на договорот, Нејмар одговори: „Се е можно“!

Биелса ќе биде наследникот на Гвардиола

Претседателот на Барселона, Сандро Росел го гледа Марсело Биелса како идеален наледник на Гвардиола на клупата на каталонскиот гигант.

Сандро Росел ништо не остава на случајноста. Тој веќе има решение доколку Пеп Гвардиола се реши да ја напушти Барселона.

Моментално прва желба на Росел е Марсело Биелса, сегашниот тренер на Атлетик Билбао. Така барем пренесува шпанскиот весник Ас.

Иако главната цел на челниците на Барселона е потпишување на нов договор со Гвардиола, тие се спремаат и за поинаква алтернатива.

Искусниот аргентински стратег беше и на клупата на чилеанската репрезентација во минатото.

Актуелниот европски првак Барселона официјално објави дека досегашниот напаѓач на тимот Бојан Кркиќ ќе замине во екипата на Рома за 12 милиони евра.

Каталонскиот тим ќе има право на откупување на неговиот договор до летото 2013 година за сума од 13 милиони евра.

Од Рома може да го блокираат правото на откупување, но во таков случај трансфер сумата на Кркиќ ќе нарасне до 40 милиони.

Дваесетгодишниот Бојан денеска одржа проштална прес конференција на Ноу Kамп пред да замине за Рим каде ќе ги мине лекарските прегледи.

„Дванаесет години се наоѓам во клубот. Во последните четири години ми беше привилегија што се наоѓам во најдобриот тим во светот. Една од причините што си заминувам е што не ми беа укажани доволен број шанси да се докажам, особено во финалето во Лондон".

„Освоив две шампионски титули во Лига на шампиони, но моите чувства се поделени затоа што не играв. Имам 20 години и сакам да покажам што умеам. Ќе ми недостасуваат многу работи, соиграчите, градот, играњето на Ноу Камп, и дресот за кој секогаш сум се борел, но се надевам дека во Рома ќе ја вратам радоста за повторно играње фудбал, која во последнава година ми недостасуваше", изјави Кркиќ.

Младиот напаѓач одигра 157 натпревари за Барса и постигна 43 гола, но во последната сезона падна во втор пласн кај тренерот Гвардиола и по доаѓањето на Алексис Санчез доби зелено светло да го напушти клубот

Давид Луиз можеби ќе го напушти Лондон само по пет месеци откако пристигна во Челзи, пишваат англиските медиуми. Според информациите, Барселона пројавила голем интерес за бразилецот. Се претпоставува дека каталонците ќе понудат 27,5 милиони фунти за Луиз кој пред само пет месеци од Бенфика прејде во Челзи за 21,3 милиони фунти. 24-годишниот фудбалер одигра одлични 12 натпревари за Челзи и го привлече вниманието на Гвардиола кој по секоја цена во својот тим сака да доведе нов дефанзивец, по проблемите со повредите на Пујол

Напаѓачот на Барселона, Давид Виља ви можел да биде продаден за во клубот да биде доведен Цеск Фабрегас, се последните информации кои пристигнуваат од шпанските медиуми.

Европскиот шампион се труди да обезбеди доволна количина пари за Цеск, а една од варијантите е да го продаде Виља, што веројатно би ги шокирало навивачите на Барселона.

Виља во Барса мина само година дена но постигна 18 гола и во голем дел допринесе за освојување на титулите во Лигата на Шампионите и Примера.

Парите од евентуална продажба на Виља, Барса би ги насочила кон Фабрегас, а оние кои веќе ги имаат за Џузепе Роси и Алексис Санчез.

Од друга страна, одделни шпански медиуми нагласуваат дека тренерот Пеп Гвардиола "ни во лудило" не би дозволил продажба на Виља поради Фабрегас, колку и да е квалитетен капитенот на Арсенал.

За Виља интерес покажаа Челзи и Манчестер Сити

Prošla je kroz moj život, kao Messi kroz Realovu odbranu.....