Богат договор за Нојер

Екипата на Шалке нема намери да се раздели со својот голман Мануел Нојер за кого секојдневно пристигнуваат понуди од големите европски клубови. Германскиот репрезентативец е "врзан" за Шалке до 2012 година, меѓутоа клубот од Гелзенкирхен е презадоволен од него и планира да му понуди продолжување на соработката на уште една година со значително зголемени примања. Годишната плата од два ќе му скокне на пет милиони евра, а во договорот ќе постои клаузула според која сите заинтересирани купци може да го добијат пред 30 јуни 2013 година само доколку "искешираат" од 20 до 25 милиони евра.

"Сакаме да го задржиме најдобриот голман на светот, но не можам да откријам подетални информации. Би било добро тоа да се случи на почетокот на пролетниот дел од сезоната", изјави тренерот Феликс Магат.

Пред извесно време екс-голманот на Баерн Оливер Кан му порача на Нојер да замине во голем клуб доколку сака да стане најдобриот голман на светот. Но засега нема одговор од 24-годишниот чувар на мрежата на Шалке.

Последно коло од првиот дел во Бундес лигата

Со вечерашниот натпревар меѓу Борусија Менхенгладбах и Хамбургер (почеток 20:30 часот) ќе стартува 17.коло во Бундес лигата. По ова коло ќе следува и пауза од еден месец, следното коло бундеслигашите ќе го одиграат на 14 јануари.

Во саботниот термин од 15:30 часот лидерот на табелата и првопласираната по првиот дел Борусија Дортмунд гостува во Франкфурт кај Ајнтрахт. Покрај овој дуел играат уште: Нирнберг - Хановер, Шалке - Келн, Вердер - Кајзерслаутерн, Волфсбург - Хофенхајм.

Мајнц гостува кај Сент Паули, а почетокот на овој дуел е во 18:30 часот.

Колото ќе биде комплетирано со натпреварите в недела: Баер Леверкузен - Фрајбург (15:30 часот) и Штутгарт - Баерн (17:30 часот).

Табела: Борусија Дортмунд 43 бодови, Баер 32, Хановер 31, Мајнц 30, Фрајбург 27, Баерн 26,...

Баерн Минхен речиси ја загуби битката за титулата во Германија откако си дозволи да не победи и покрај водството од 0:2 на гостувањето кај Келн.

 

Гомез и Алтинтоп му ја донесоа високата предност на најтрофејниот германски тим, и кога се очекуваше сигурен триумф на "Баварците", домашните се вратија од "мртвите". За само 18 минути Келн три пати погоди во мрежата на Крафт. Прво Клеменс намали, а Новаковиќ најпрво израмни во 62 минута, за да 11 минути подоцна и по втор пат се запише во листата на стрелците, и целосно го сврти резултатот во корист на Келн. Баерн со ова речиси немаат шанси за титулата, а по поразот и на Баер Леверкузен кај Нирнберг, Борусија и со нерешено ја зголеми предноста пред конк*рентите.

"Невозможно е како не успеавме да победиме. Да се има предност на гостински терен од два разлика, и да не се освојат трите бода е навистина срамно. Мораме сите да се запрашаме што се случуваше", изјави Томас Милер.

 

Бундес-лига 21 коло

Петок:

Борусија Д. - Шалке 0:0

Сабота:

Келн - Баерн М. 3:2 (Клеменс 55', Новаковиќ 62', 73' - Гомез 22', Алтинтоп 43')

Мајнц - Вердер 1:1 (Ширле 19' - Пизаро 90')

Нирнберг - Баер Л. 1:0 (Еглер 60')

Хановер - Волфсбург 1:0 (Пинто 5')

Хофенхајм - Кајзерслаутерн 3:2 (Сигурдсон 28', Руди 40', Ибишевиќ 62' - Хофер 58', Роднеи 59')

Борусија М. - Штутгарт 2:3 (Данте 29', Де Камарго 31' - Погребњак 51', Харник 56', Гебхарт (п) 87')

Недела:

Хамбургер - Ст. Паули (одложен)

Фрајбург - Ајнтрахт (17:30 ч.)

Табела: Борусија Д. 51, 2. Баер Л. 39, 3. Мајнц 37, 4. Хановер 37, 5. Баерн М. 36, 6. Фрајбург 33 (-1), 7. Хофенхајм 32, 8. Хамбургер 30 (-1), 9. Нирнберг 29, 10. Шалке 26, 11. Ајнтрахт 26, 12. Волфсбург 23, 13. Вердер 23, 14.  Кајзерслаутерн 22, 15. Ст. Паули 22 (-1), 16. Келн 22, 17. Штутгарт 19, 18. Борусија М. 16 бодови.

Дортмунд киксна во самиот финиш

Второ реми по ред одигра Борусија Дортмунд, попладнево на гостувањето кај Кајзерслаутерн, со што надежта на ривалите се зголеми откако Баер Леверкузен победи и конечно искористи еден кикс

Јан Моравек спречи Дортмунд да забележи нова гостинска победа и да ја продолжи неприкосновената серија. Претходно во 82 минута, „милионерите“ дојдоа во водство преку Свен Бендер, и до 90 минута изгледаше дека Дортмунд ќе се радува на нов триумф. Ремито 1-1 сега на Борусија и овозможува десет бода предност, и ситна надеж за Баер Леверкузен кој се радуваше на победа кај Ајнтрахт во Франкфурт со 3-0. Победи и Баерн Минхен со 4-0 против Хофенхајм за да ја намали предноста на 13 бода, но сето оа се уште е премногу и решиси недостижно во следните 12 кола за комплетен пресврт и неосвојување на титулата. Ако битката за тронот полека или од поодамна е јасна, за дното зоврива, а тму гигантот и екс-првак Штутгарт е се поблиску до втората лига Штутгарт се поблиску до втората лига. „Швабите“ доживеаа срамен пораз од Нирнберг на домашен терен со 1-4 во 22 коло, па шампионот од 2007 година сега е претпоследен со 19 бода. Резултати: Ајнтрахт - Баер Леверкузен 0-3, Волфсбург - Хамбургер 0-1, Баерн Минхен - Хофенхајм 4-0, Сент Паули - Борусија Менхенгладбах 3-1, Шалке - Фрајбург 1-0, Штутгарт - Нирнберг 1-4, Кајзерслаутерн - Борусија Дортмунд 1-1. Утре: Келн - Мајнц (15.30 ч.), Вердер - Хановер (17.30 ч.). На табелата води Борусија Дортмунд со 52 бода, пред Баер Леверкузен со 42, следат Баерн Минхен со 39, Мајнц 37 (-1), Хановер 37 (-1), Фрајбург 34...

Катастрофални осум денови за Баерн

Карл Хајнц Румениге, претседателот на управниот одбор на Баерн од Минхен, беше бесен по поразот од Хановер нагости од 3-1, но потенцираше дека нема да се донесуваат избрзани одлуки за иднината на тренерот Ван Гал, иако очигледно е дека по трите врзани порази (Дортмунд, Шалке и Хановер) иднината на холанѓанецот виси на конец.

“Ова беа катастрофални осум денови. Против Дортмунд игравме горе-долу добро, против Шалке се покажавме барем едно полувреме, но ова денес... Ова е најниско што паднавме цела оваа сезона. Ова ви го велам најискрено“ - изјавил Румениге за тимската Интернет страница.

“Дојдовме да победиме, но овој пораз и уште повеќе начиниот на кој изгубивме навистина боли. Најверојатно никој нема да спие вечерва, ќе анализираме што може да се направи да се запре ова. Ситуацијата на Баерн е навистина загрижувачка“ - ја завршил својата изјава Румениге.

Во диркетниот дуел за третото место на табелата, Хановер поведе со 2-0 со головите на Abdellaoue и Rausch. Малку надеж за баварците донесе голот на Робен во 55. минута, но само осум минути подоцна Pinto го постави конечниот резултат.

Баерн сега останува на четвртото место, пет бодови зад местото кое води во квалификациите на Лигата на шампионите, а на кое се наоѓа токму Хановер со 47 бодови. Баерн заостаува дури 19 бодови зад лидерот Борусија Дортмунд. Следно за Барен е дуелот од ЛШ против Интер дома, каде е единствената можност да дојде до малку “сребро“ оваа сезона, но со игра каква покажаа денес, не можат да се надеваат на ништо.

Порака за играчите на Келн: Опстанок или смрт

На велигденски понеделник во тренинг кампот на Келн, играчите ги пречекала страшна порака од навивачите.

Страв и шок во таборот на популарните "јарци". По неделниот пораз во Волфсбург (4:1), со што си ја искомпликуваа ситуацијата околу опстанокот, хулигани провалиле во внатрешноста од тренинг комплексот и со црн спреј испишале порака долга речиси 20 метри: "Ако испаднете, ќе ве тепаме до смрт!"

Најдобриот играч на Келн и репрезентативец на Германија, Лукас Подолски не можел да верува дека вакви работи се случуваат.

"Ова нема врска со здравиот разум. Вистинските навивачи тоа никогаш не би го сториле. Ништо нема да биде подобро, ако некој не тепа по глава. Мора да веруваме во иднината." - изјавил Подолски.

Голманот на "јарците" Михаел Ренсинг смета дека треба да се срами навивачот кој го напишал графитот.

"Не ми се допадна, тоа е удар под појас. Тој што тоа го напишал треба да се срами. Верувам дека зад пораката стојат помал дел од навивачите".

Во шок бил и тренерот на Келн, Франк Шефер.

"Ова нема никава врска со фудбалот, ниту со конструктивна критика. Тоа е обична деструкција".

Келн е во негативна серија од три порази во низа, што ја доведе екипата на само три бода над опасната зона, а до крајот на Бундес лигата останаа уште три кола.