Среќата e...

Одамна е познато дека малите работи се оние што го прават човекот среќен. Токму затоа секогаш кога ќе се почувствувате потиштено, незадоволно или немоќно потсетете се на овие совети....

Бидете што повеќе надвор
Сега, кога и времето се подобрува, а сонцето е сè поприсутно, искористете ја секоја прилика за прошетка. Имајте на ум, само пет минути пешачење имаат благотворно дејство.

Вежбајте
Научниците велат дека вежбањето е најбрзиот начин со кој можете да станете среќни. Вежбањето е како некој вид антидепресив што ќе ви помогне да го подигнете расположението и да го намалите стресот.

Создадете „среќна“ MP3-листа
Слушањето музика што ви побудува убави чувства, го подобрува расположението. Затоа, наполнете го музичкиот плеер со вашата омилена музика и уживајте!

Појадувајте
Првиот оброк во денот е особено важен. Тој е одговорен за свежината и енергијата со која ќе го почнете денот. Со здрав и богат појадок полесно ќе се справите со задачите и обврските. Но, внимавајте, кафето или чајот не се замена за појадок.

Ставете ги омилените фотографии на видно место
Фотографиите на кои уживате во прекрасните мигови со најблиските пријатели, семејството или партнерот/ката не само што ќе ви вратат убави спомени и сеќавања, туку и ќе ви го подобрат расположението. Затоа, поставете ги на видно место, за секогаш да ги имате во видикот.

Имајте редовни оброци
Изедете нешто на секои три до четири часа и осигурајте се дека му давате доволно енергија за нормална работа.

Одморајте се повеќе
Многу луѓе, кога се разочарани или несреќни, почнуваат со некаква работа, веројатно со цел да ги оттргнат мислите од она што ги преокупира. Погрешно! Опуштете се и земете си го целиот одмор што го заслужувате – за вас и за вашето тело.

Легнувајте си порано
На телото му требаат минимум седум часа ноќен сон за да биде подготвено, свежо и одморено за следниот ден. Запаметете го тоа и следниот пат заминете порано во кревет. Резултатите ќе ги видите во огледалото следното утро.

Хранете се здраво
Шеќерот и белото брашно ви ја намалуваат енергијата и расположението. Секој оброк треба да содржи барем малку житарки (интегрални по можност), протеини, здрави масти и јаглехидрати. Читајте ги знаците што ви ги дава организмот и одберете го она што најмногу ви одговара.