Најшармантен(a) политичар(ka)?

Власта и опозиција обединети против сексапилот

На анкетата на "Вест" за најсекси пратеничка најмногу кликови на Интернет доби Ермира Мехмети - Деваја (ДУИ), а ја следат Мерал Узеир - Ферати (ДПА) и Косана Николиќ - Мазнева (ВМРО-ДПМНЕ)

Ермира Мехмети - Деваја, пратеник, фронтмен на ДУИ во Парламентот, доби најмногу кликови на интернет анкетата на "Вест" за избор на најсекси пратеничка. Анкетата траеше два дена на веб - порталот, во текот на седницата за избор на новата влада. Мерал Узеир - Ферати од ДПА е втора, па за неколку гласа зад неа е Косана Николиќ - Мазнева од ВМРО-ДПМНЕ.
Изборот на "Вест" за најсекси пратеничка го засени изборот на новата влада. Првиот ден од почнувањето на анкетата таа предизвика заинтересираност меѓу пратениците. Во паузите, низ ходниците и особено кај местата за пушење пратениците се договараа за кого да гласаат. Имаше и сериозни забелешки зошто меѓу фаворитите на "Вест" имало некои пратенички, а некои не, пребројуваа колку пратенички од која партија се поставени на страниците на весникот и се полемизираше која има најмногу шанси да биде избрана.
Веќе на денот на изборот на новата влада, анкетата била сфатена сериозно и расположението нагло се смени. Дознаваме дека координаторката на ВМРО-ДПМНЕ Силвана Бонева иницирала да се напише остра реакција до Редакцијата "Вест". Илија Димовски, директорот за комуникации на ВМРО-ДПМНЕ и помогнал на Бонева, го испратил писмото до сите кординатори на пратеничките групи, и побарал солидарност за да испратат писмо усогласено со консензус.
На писмото, покрај Вељаноски, се потпишани: Силвана Бонева (ВМРО-ДПМНЕ), Игор Ивановски (СДСМ), Талат Џафери (ДУИ), Имер Алиу (ДПА), Горан Мисовски (НСДП), Рејхан Дурмиши (НДП), Јани Макрадули (СДСМ), Сузана Салиу (ДУИ) и Светлана Јакимовска (ВМРО-ДПМНЕ).

***

Која жена не сака комплименти?

Вчера побаравме изјава од трите пратенички кои добија најмногу гласови од читателите на веб изданието на "Вест".
"Не сакам да коментирам ништо. Само можам да кажам дека тоа си е право и уредувачка политика на весникот", ни изјави победничката во анкетата Ермира Мехмети - Деваја.
На наше инсистирање, сепак, нешто да им порача на огромниот број читатели што гласаа за неа, таа се насмевна и рече: "Ви благодарам".
И Мерал Узеири - Ферати од ДПА, втора според гласовите на читателите, им благодари на тие што ја гласале за најсекси пратеничка.
Таа вели: "Која жена не сака да добие комплимент дека е убава, интелигентна, згодна, паметна или сексапилна? Некои работи мора да ги признаеме, нели?", се шегуваше Ферати.
Но, таа забележува на зборот "најсекси", за кој вели дека не е баш пристоен за професијата пратеник, особено за жена.
"Мене лично и не ме погоди толку критериумот за избор, туку за тоа што ќе си речат гласачите. Сепак, да не помислат дека сме дојдени овде поради убавина и сексапил. Имаме ние многу други квалитети", вели Ферати.
И Косана Мазнева - Николиќ од ВМРО-ДПМНЕ им се заблагодари на читателите кои го дале гласот за неа, но предупредува дека работата на пратениците е многу сериозна, па вокабуларот "најсекси", според неа, не е баш соодветен за нивната работа.
С. К. Делевска

***

Десетте пратенички со најмногу кликови на Интернет

1. Ермира Мехмети-Деваја- ДУИ ....................... 3069
2. Мерал Узеири-Ферати - ДПА......................... 739
3 Косана Николиќ-Мазнева - ВМРО-ДПМНЕ ......... 679
4. Весна Бендевска - СДСМ .............................. 545
5. Наташа Савова-Салковска - СДСМ .................. 497
6. Маринела Тушева - СДСМ ............................. 404
7. Радмила Шеќеринска-Јанковска - СДСМ ......... 395
8. Ане Лашкоска - ВМРО-ДПМНЕ ....................... 276
9. Тања Томиќ - СДСМ .................................... 144
10. Ленче Николовска - Независен прат. .......... 140

http://vest.com.mk/?ItemID=22D54123658B5D44A756EA1FF7C74A99

Внеси реплика	страница <1 7 89
Tweet