El clasico

Кинезите ја спасуваат Примера - сакаат "ел класико" на пладне

По извонредниот успех од преносот на мечот Реал Мадрид - Осасуна, кој заврши со резултат 7:1 и кој се одигра неделата на пладне, и дуелот Реал и Барселона во декември би можел да се одигра на пладне, а сето тоа поради желбата на кинеската телевизија која го пренесуваше споменатиот меч. Дури 60 милиони гледачи во Кина ги гледаа мајсториите на Кристијано Роналдо и останатите па на Далечниот Исток се надеваат дека "класико" ќе го следат двојно повеќе гледачи.

Шансите преносот да се реализира во попладневниот термин се сосема добри, бидејќи парите од преносот и тоа како добро ќе им дојдат на гиганти како Барселона и Реал. Затоа не треба да не зачудуваат се почестите изјави дека кинеската телевизија може да го спаси шпанскиот фудбал, бидејќи клубовите во Примера тонат во долгови, кои ја надминуваат цифрата од три милијарди евра

Малку статистика пред "Ел Класико" во ЛШ

Во продолжение ви нудиме неколку податоци од историјата кои се интересни пред утрешното "Ел Класико" во Лигата на Шампионите. Се што ќе прочитате оди во полза на Реал, а повторно, малкумина би ставиле рака во оган дека Мурињо повторно ќе се радува.

Ќе биде ова трет меѓусебен дуел на двата гиганти во рамките од полуфиналињата во Лигата на Шампионите. Два пати Реал отиде понатаму, 1960. и 2002. година.

Реал и Барса до сега се сретнаа 6 пати во евро натпреварувањата. Мадридѓани победија 3 пати, Барса еднаш и одиграно е едно реми.

Меренгесите имаат најдобра одбрана во овогодинешниот циклус од ЛШ, со само три примени гола на 10 меча.

Против шпанските екипи, Реал доби 12 меча, а загуби само 2.

Ако Реал ја освои ЛШ, Мурињо ќе стане првиот тренер кој со три различни клуба го освоил најпрестижниот трофеј во клупскиот фудбал.

Мурињо нема баш позитивен скор против Барса, ја доби 3 пати, а загуби 4, три меча завршија без победник.

Барса оваа година четврти пат по ред игра во полуфиналето од Лигата на Шампионите. 2008. загуби од Јунајтед, минатата година од Интер, а 2009. пред финалето го минаа Челзи.

Во минатите две полуфиналиња против шпанските екипи, Каталонците се поразени. Прв пат од Реал 2002. година, а вториот од Валенсија.

Во последните 15 меча, Лео Меси даде 15 гола, но не даде гол во последните три полуфиналиња.

Од 18 меча во полуфиналето во ЛШ, Барса победи само на 3.

Реал ја совлада Барса во "Кралскиот куп"

Реал Мадрид стигна до првата титула сезонава откако вечерва, на "Местаља" во Валенсија со 1-0 го совлада тимот на Барселона во финалето од "Кралскиот куп".

Голот го постигна Роналдо на крајот од првото продолжение, а и покрај постојаните напади, избраниците на Гвардиола не усепаја да ја совладаат одбраната што ја постави Мурињо.

Поредходното Ел Класико заврши нерешено, а Реал и Барса ќе се сретнат уште двапати во Лигата на Шампионите

Барселона го исмејува Реал преку автобусите

Играчите на Барселона почнаа да ја загреваат атмосферата во пресрет на серијата мечеви со вечниот ривал Реал во рок од 18 дена, со тоа што ги исмејуваат "кралевите" со реклами на локалните автобуси. Ликовите на Карлес Пујол, Чави, Виктор Валдес, Серхио Бускетс и Давид Вилја се излепени на задните страни на градските автобуси, а секој од нив на своите дланки има испишано по една буква кои заедно значат "обединети". Станува збор за кампања за здравствено осигурување, но бројот на играчите не е случаен, и алудира на победата во првиот сезонски дуел на "Камп Ноу" од 5:0.
Првото "Ел Класико" е на програмата в сабота во рамките на Купот на Шпанија, по што следуваат пресметките во Примера и најверојатно во полуфиналето во Лигата на шампионите бидејќи и двата тима имаат солидна предност во пресрет на реваншите против Тотенхем и Шахтар.

Срцка овој Месси

Каталонска лекција по модерен фудбал

Фудбалерите на Барселона уште еднаш ја покажаа својата моќ и решеност да го сочуваат шампионскиот трофеј во Примера. Со атрактивна и допадлива игра надополнета со фантастични контранапади едноставно им одржаа лекција на колегите-ѕвезди од Реал Мадрид под водство на Жозе Мурињо. Озил, Бензема, Карваљо, Роналдо... не се видоа на мечот, а ни честите совети на Португалецот и разместување на играчите не вроди со плод. Реално гледано Барса изгледаше како да игра со некој просечен тим, а Меси, Виља, Чави и Иниеста царуваа на теренот излудувајќи ги противничките играчи кои беа за чекор побавни од нив.

Барселона за осум минути стигна до одлична предност од 2:0. Но да одиме со ред. Во петтата минута Меси со одличен лоб удар од косо од десната страна ја погоди гредата, меѓутоа четири минути подоцна му немаше спас на Реал. Иниеста се обиде од далечина, но топката дојде до Чави кој се ослободи од својот чувар Пепе и со лоб го совлада Касиљас. Веднаш потоа следеа две неискористени можности за Реал, па повторно блесок на Барса. По проигрувањето меѓу Чави и Виља, вториот шутираше од косо Касиљас кратко ја одби топката до Педро кој без проблем ја смести во мрежата. Тотален очај на фудбалерите на Реал Мадрид кој ескалираше со инцидент кој го предизвика нервозниот Роналдо туркајќи го Пеп Гвардиола покрај аут линијата. Тренерот на Барса прифати една топка која заврши во аут, а Роналдо му ја зеде насила и притоа го оттурна од себе. Следеше кошкање меѓу играчите кое за среќа не се претвори во нешто сериозно. До крајот на полувремето мрежите мируваа и се отиде на одмор.

Само што почна вториот дел Меси успеа да мине неколку противнички дефанзивци шутираше и ја погоди мрежата но од надворешната страна. Веќе во следната минута Аргентинецот со прекрасен пас го пронајде Давид Виља кој со десна нога го совлада Касиљас. Уште не седнаа навивачите на столчињата Меси одново прекрасно го проигра Виља кој лесно ја спроведе топката во мрежата за огромна предност од 4:0.

Во самиот финиш Кркиќ поведе акција од десната страна и се чинеше дека ќе ја загуби топката но тој ја упати по земја пред голот на Касиљас каде младиот Хефрен осамен ги постави конечните 5:0. Рамос грубо го фаулира Меси во 92. минута и заработи исклучување за комплетирање на срамниот впечаток на Реал.

Со трите бода Барселона го презема првото место со 34. поени или два повеќе од Реал.

5:0 !!!!