Деца

Секое бебе барем понекогаш ќе заплаче, само што може да биде голема мака кога мајката не знае зошто плаче.

Како мала помош, еве неколку општи и неколку можеби и изненадувачки причини со кои бебето преку плачењето се бунтува:

1. Премногу е облечено

Многумина млади родители се трудат нивното дете да биде добро облечено. Тое понекогаш значи и многу облечено. И покрај тоа што бебињата изгледаат мали и беспомошни, сепак реагираат на телесната температура на своето тело. Тие не се во состојба да ја регулираат топлината и затоа плачат. Тоа што е ладно надвор, не значи дека вашето бебе треба да го облечета како да сте во Сибир. Општо правило е дека ако вие носите два џемпери, на бебето треба да му облечете еден. Не го облекувајте со повеќе облека отколку вие носите на себе. Како ќе знаете дека на бебето му е ладно? Со допирање на образите или стапала на бебето секогашнема да ви даде точна прстава за тоа дали му е ладно или не. И образите и нозете можат да им бидат ладни, а на новороденчето да му е многу удобно. Температура најдобро ќе ја проверите со допирање на стомакот или грбот.

2. Родителите се расправаат

Бебето не знае што значи тоа: "Ти си толку неспособен!" или "Како си заборавила да ја платиш  сметка за струја?", но бучавата воопшто не му се допаѓа. Тоа е свесно дека мама и тато се расправаат, а тоа ќе го исплаши и ќе го расплаче. Дури и ако нема викање, само се разговара на повисок тон, бебето тоа ќе го регистрира како кавга. Неизбежно е партнерите понекогаш да се скараат, посебно кога и двајцата се исцрпени при негата за бебето. Сепак, треба да се потрудат додека се во иста соба со бебето, и додека тоа е будно, да зборуваат спокојно, бидејќи тоа ќе го смири бебето и ќе направат да се чувствуваат среќни.

3. На бебето му е премногу се

Премногу бучава, движење, силна светлина, сето ова може да биде премногу за бебето. Трговските центри, баровите, семејни собири, секаде каде што многу врева и разни активности може да биде исцрпувачки за новороденчето. Секое дете има различно ниво на толеранција кога станува збор за стимулација на различни работи, па единствениот начин да утврдите што му смета на вашето дете пречи е внимателно да го набљудувате и да запомните на што реагира.

4. Болка во стомачето

Можни се голем број причини кои може да доведе до тоа бебето да го заболи  стомачето.
Првото нешто што може да се обидете да го направите е да го оставате бебето често да подждригнува. Проблемите со гасовите може да се намали со нежна масажа на стомакот или со движење на нозете како бебето да вози велосипед. Ништо не помага? Побарајте совет од педијатар.

5. Иритација на кожата на бебето

Се случува да околу прстите на рацете или нозете дасе замота некое влакно од коса, кое може да предизвика запирање на циркулацијата, со што може да дојде до оток и болки. Ова се случува многу често. Или, кожата на бебето да се иритира од пелените или етикетите на облеката. Сето тоа предизвикува болка и бебето почнува да плаче. Ова се проверува што е тоа што би можело да детето да му предизвика нелагодност и болка.

6. Осаменост

Меѓу шестиот и деветтиот месец бебето дознава е посебно суштество, одвоено од мајката. Тоа е добро, но кога ќе се одели од неа тоа почнува да плаче.
Мајката понекогаш мора да се оддели од бебето за да заврши некои работи. Меѓутоа, ако бебето не престанува со плачење, мајката треба да го прегрне, со што ќе му даде на знаење дека  таа секој пат се враќа.

7. Бебето е гладно

Ова е општо позната причината за плачење, но може да се случи бебето да заплаче на секоја час и покрај тоа што е веќе најадено. Зошто се случува тоа? Тоа значи дека има периоди кога бебето расте брзо, а тогаш бебето треба да се храни многу почесто од вообичаеното. Овие периоди се случуваат обично кога бебето ќе наполни две, три и шест недели и три и шест месеци, и траат околу два дена. Овие се вообичаените термини, но бебињата не го проверуваат календарот, па овие периоди може да се случат во секое време. Како да знаете дали бебето навистина е гладно? Обидете се да го заспиете, акозаспие, не станува збор за глад, но ако продолжи да плаче, сосема е можно дека сака уште оброк.

8. На бебето му е здодевно

Разни стимуланси се премногу напорни за бебето, но на бебиња не ми се допаѓа дури и ни кога не се случува апсолутно ништо, и кога час по час се на истото место. На некои бебиња подобро им е кога се подолго на едно место и ништо не се случува не се случува пред нив, но повеќето бебиња сакаат кога повремено има промена во нивното опкружување.
Убаво е да се поттикнува природната желба на детето да истражува. Од време на време, префрлете го бебето во друга соба, однесете го во парк, ... Бебињата по природа се многу друштвени и многу сакаат да бидат во близина на родителите, да ги гледаат, да слушаат и учат од нив.