Средношколец убиен во училишен двор

zabegan напиша: мора ли бе од секоја ситница во државава да правите меѓуетнички конфликт, или да зборите за подобрување или нарушување на меѓуетнички односи??? аман, средношколец погина без никаква причина, фокусирајте се на тоа!

Токму тоа, децата не учат како не треба ние возрасните да постапуваме. Цената на непромислено кажаните  зборови ја плаќаат младите. За жал
Момче не' учи како се гради соживот

Se otkazuvaam od ponatamosna diskusija.
Zeksi ako imas gram mozok ti, jas ke bidam i kriminalec i terorist i kidnaper amab bas se

zabegan напиша: мора ли бе од секоја ситница во државава да правите меѓуетнички конфликт, или да зборите за подобрување или нарушување на меѓуетнички односи???аман, средношколец погина без никаква причина, фокусирајте се на тоа!

Наместо да се фокусира кај нас општеството на главните проблеми се фокусира на глупости, па потоа се чудиме кога ќе ни се случат вакви нешта. Наместо проблемот да го решаваме во коренот, ние се обидуваме да ги санираме политичките последици, постојано нагласувајќи ги меѓуетничките односи, како тоа да се се некакви колективни односи меѓу два табора, па треба постојано да се израмнуваат. Се додека така се размислува, ќе ни се случуваат вакви нешта.

Меѓуетничките односи не зависат од никаков колектив, тоа се индивидуални односи пренесени на политички план. На поединецот не може да му се наметне нешто, тоа е она каде што сите се сопнуваат, кога говорат за некакви меѓуетнички односи во Македонија.

Сочувство до семејството на храброто дете. Иако знам дека нашите сочувства не им значат многу на родителите, ниту им е утеха признанието дека го воспитале својот единец во духот на основните човечки вредности.

Трагедијава треба да биде поука за сите оние кои генерализираат: луѓето прво се ЛУЃЕ (или нелуѓе), па дури потоа се Албанци, Македонци, Срби, Бугари, Грци... Не се сите Албанци како Мухамед, но не се ниту сите Македонци како неговиот убиец. И обратно. Предрасудите едни за други се пречката што кочи дури и во случаи како овој: да се признае дека детето Албанче загинало за да го одбрани животот на своето другарче - Македонец.

Се согласувам со она што го напишала Мамамд, причините за се позачестените насилства помеѓу младите лежат и во нефункционирањето на институциите, и во политиката и современиот брз тек на живеење, и во образовниот систем, и во медиумите но најмногу и основно во семејството. Семејството е основната клетка од каде почнува да се гради и воспитува човекот како личност и ако тоа некаде киксне, многу лесно е да се дојде до девијантни појави. Како што рекле старите, конецот се кине каде што е најтенок. Под притисок на општествените нарушувања, брзо темпо на живеење и проблематични ситуации, на ваков начин најчесто попуштаат лабилни, неизградени, лошо воспитани или препуштени сами на себе единки, или растени во агресивна средина, каде насилството е секојдневие.

Должност на секој родител е на своето дете да му вгради здрави основи, темел за тоа да се изгради и развие во здрава личност, кое во критични околности нема да се претвори во насилник и убиец. Без разлика дали се работи за Албанец, Македонец или Тунгузиец. Основата лежи во семејството, заедно со збир од сите други околности.

И се надевам општеството и политичарите конечно сериозно ќе се зафатат со проблемот на насилството меѓу младите. Превентивно, наместо вака инцидентно и отпосле кога веќе ќе биде доцна.

Секогаш најголема трагедија е кога страдаат деца. Немам зборови освен апел: Родители не бидете мрзеливи (линија на послаб отпор) при воспитувањето на децата. Тоа е најтешката, најодговорната, но и најблагородната обврска.