ПРЕДВРЕМЕНИ ИЗБОРИ во МК - генерална дискусија

Земја и народ кој си претендира да биде препознаен од останатите како демократски..НЕ БАРА „лидерски„ средби..туку пишува и ПРИМЕНУВА изгласани ЗАКОНИ , со кои се регулираат нејаснотиите...и секоја билочија искажана понатамошна „желба„ за нивната корекција...си се одвива во Парламентот..

Тугоооо, договориле се, не можу да верују ............... С‘к што ќе муабетимо?

Изменето од Polar Bear - 15.Март.2011 во 22:58

мајче бе,не се договориле ништо овие
така кажаа сега на вести,нема договор меѓу позиција и опозиција

и ете го заклучокот-сите не лажат

разбира се...ама овие упорно веруваат...и тоа веруваат на оние чија информација најмногу им одговара

Според Прес 24  еве кои биле барањата:

Детали од преговорите Груевски-Црвенковски

Од 21 барање на опозицијата ВМРО-ДПМНЕ целосно или делумно прифаќаат 20 предлог измени на Изборниот Законик. За владејачката партија не е прифатливо единствено зголемувањето на бројот на партиски претставници во избирачките одбори зашто според нив меѓународните набљудувачи не само што не се за такво решение туку напротив, сметаат дека ја зголемува можноста за притисоци и изборни инциденти. Ова е одговорот кој по паузата му го дал Груевски на лдиерот на СДСМ Бранко Црвенковски. Во моментов двајцата лидери преговараат за побараното од СДСМ и понуденото од власта, дознава Пресс24. Еве ги барањата на СДСМ и одговорите кои им ги соопштиле од ВМРО-ДПМНЕ:


1. Да се справиме со притисоци и мобинг при гласање- ВМРО ДПМНЕ одговориле дека тоа е дел од кривичниот законик и сите дела поврзани со притисоци и мобинг се казниви со ригорозни казни. Направен е акционен план за обука на сите надлежни и за сите ранливи групи за тоа што е мобинг. ВМРО-ДПМНЕ најавува и отворен телефон кај Народниот правобранител за граѓаните да можат да пријават

2. Заштита на правото на глас и шпекулативни листи- ВМРО-ДПМНЕ одговориле дека прифаќаат и предлагаат носител да биде едно лице во сите изборни единици за да се избегнат шпекулативните листи а по завршување на изборите тоа лице да одбере каде ќе го прифати мандатот а на другите ќе делегира некого. Покрај ова може да се прифати наместо име реден број на секоја партија во сите изборни единици. Значи СДСМ да го има истиот број во секоја изборна единица. За партиите кои имаат само во една или неколку, бројот кој останува слободен да не се дава на друг

3. Администрацијата и царината и полицијата да не бидат прераспределувани на ден на изборите- ВМРО-ДПМНЕ го прифатиле овој услови предложиле сменско работење да може секој да гласа.

4. Да не се исплаќа ад хок парична помош- прифатено од владејачката партија- од ден на распишување на кампањата не може да се исплаќа вонредна парична помош според закон за корупција. Прифаќаат ова решение да се вгради и во Изборниот Законик

5. Да се спречат заплашувања и притисоци од МВР- за таа цел ВМРО_ДПМНЕ предлага отворена линија кај Народниот Правобранител за пријавување мобинг. Предлагаат и казни и тоа најстроги за одговорните лица

6. Да се дефинираат активности кои се дозволени а кои не се за време на изборна кампања-Ова е прифатливо за владејачката партија со тоа што предлагаат Совет за радио дифизија да изготви правилник во соработка со ДИК

7. Во Изборниот Законик да се дефинира што е кампања- ОБСЕ забележува дека не е доволно дефинирано што е изборна кампања- ВМРО-ДПМНЕ прифатиле да се додаде цел нов член во законот

8. Едукација на изборни органи- ВМРО прифаќа да ја врши ДИК но може да влезе и во закон како обврска на ДИК доколку СДСМ инсистира

9. Контрола на избирачки процес во дијаспора- Владејачката партија прифатила наместо надлежното лице да биде определено од МНР тоа нека го прави ДИК а тоа лице да не мора задолжително да биде од МНР. ИЗборниот материјал од дијаспоратада се носи во ДИК

10. Партиите да имаат увид во избирачки список пред да оди во ДИК – Груевски прифатил во рок од 10 дена партиите да направат увид. Ако било кој граѓанин забележи дека има починато лице да може до ДИК да прати известување за починато лице. ДИК ќе може по проверката да го избрише.

11. ДИК да врши увид во избирачки материјал наместо да с е надгласува- Ова барање исто така било прифатливо за ВМРО-ДПМНЕ

12. Да не се користи мобилни- се прифаќа и се предвидуваат затворски казни за тие што ќе сликаат

13. Мониторинг од совет за радио дифузија од ден на распишување избори- ВМРО-ДПМНЕ предложиле да се доденсе правилник за меѓупросторот од распуштање на парламентот до почеток на кампањата како и посебен правилник за кампања

14. Да има набљудувачи на седници на ДИК- прифатливо барање со оглед на јавниот карактер на седниците

15. Изборен ред за сите изборни единици- барање прифатено од владејачката партија

16. МРТВ да не емитува платена политичка програма- Груевски го прифатил ова барање

17. Да нема исплата на парична и ад хок помош- прифатено барање

18. Претставници на политичките партии во избирачките Одбори- Ова барање НЕ било прифатено од ВМРО-ДПМНЕ. Сметаат дека тоа не е препорака на меѓународните набљудувачи и нема да придонесе за послободни и по-фер избори

19. Загарантирани квоти за помалите етнички заедници- Ова барање ВМРО-ДПМНЕ ќе го прифати доколкуго прифатат сите партии. Познато е дека ова барање е неприфатливо за ДУИ

20. Само поискусните вработени во администрацијата да може да бидат во Избирачки Одбори- за ВМРО-ДПМНЕ прифатливо е сите да можат да бидат челнови на Избирачките Одбори

21. Поткуп при избори и гласање да бидат дефинирани- според ВМРО-ДПМНЕ во Казнениот Законик е предвидена казна затвор од најмалку 5 години


ВМРО ДПМНЕ доставиле едно дополнително барање - да може седница на ДИК да свикаат и претседателот и потпретседателот на Комисијата или било кој член ако има мнозинска поддршка од членовите на ДИК.




Изменето од Анастеа - 16.Март.2011 во 12:05

леб и циркуз

„Дури и дијалозите на ликовите во турските и индиските серии се поверодостојни и поуверливи отколку изјавите на партиските лидери на тема "Предвремени избори".
Бранко направи голем протестен марш и повика на предвремени избори. Груевски не му даваше оти не можел да ги заврши проектите. После Груевски се премисли, па тој почна да бара предвремени избори. И викаше: "Ајде, Бранко, на избори". А Бранко му викаше: "Доста беше чаламење, ајде да одиме на избори". Па дури и се сретнаа во две полувремиња. Груевски исполнил 50 барања, а СДСМ одговара дека главните четири барања не се исполнети. Па после влета и ДУИ во играта. Излегоа од Собрание, се заканија дека ќе ја напуштат Владата, оти не ги прашале за гувернер. И кога експертите на СДСМ ја пуштија анализата за техничка Влада, излезе Али Ахмети и кажа дека коалицијата со Груевски добро му функционира.
Ете како се владее со овој народ веќе 20 години. Како во стариот Рим. Им организирале игри за да биде народот среќен. Леб и циркус.
И сега циркус има колку што сакаш. Само што лебот поскапе. Е тоа веќе може да биде сериозно.
И што уште треба да се случи за да заврши циркусот и политичарите да почнат самите да се занимаваат со печење леб? Да чекаме решение од Брисел и Вашингтон? Да ни понудат решенија амбасадорите на земјите на САД и на земјите од ЕУ? Оти тие немаат други проблеми освен Македонија. Оти немаат свои држави за водење, па ќе ја водат нашата.
Вака се чини дека не е толку лошо во Македонија како што изгледа на телевизија. Оти сите циркуси ги видовме, ама не видовме некој да се побуни, а камоли да понуди решение за да биде подобро.“