НАЈ .....ИДИВИДИ ГИНИС ......СО СЛИКА

 Деведесетгодишната Мери Џејн Марфи има цврст бекхенд и на стари години. Марфи, мајка на 10 деца, вели дека кога е на тениско игралиште се чувствува како да има 55 или 60 години. Во последниве 30 години таа игра во двојки два пати неделно во клубот "Оак Лон ракет клаб", надвор од Чикаго. А кога времето е убаво, таа сака да игра и голф.
Оваа недела Марфи доби признание од клубот за многуте достигнувања. Не само што е член на клубот уште од неговото отворање, туку таа е и опасен противник на теренот, има добар сервис, смеч, а и добро го врти тениското топче.
Ова е доволно за оваа баба на 30 внучиња да го добие прекарот Тајгер.
На прашањето дали знае да биде малку агресивна, Марфи признава дека сака да победува.

Кој зборувал најмногу јазици

Секој може и знае да зборува и пишува на својот мајчин јазик. Многу од луѓето знаат да зборуваат, понекогаш и пишуваат, на повеќе од десет јазици, но малкумина тоа го знаат и на повеќе од 20 јазици. 

Можеби еден од најголемите полиглоти на сите времиња бил Џузепе Каспар (Joseph Caspar), роден во Италија во 19тиот век. Каспар бил дрводелец на почеток, а пота станал свештеник, па кардинал, по што го земал името Кардинал Мезофанти (Mezzofanti).

Никој не е сигурен колку точно јазици зборувал Кадинал Мезофанти, но сигурно било повеќе од 30. Некој велат дека знаел да зборува одлично и на 53, а разбирал што му се зборувана повеќе од 100 јазици! Најголема тешкотија имал со Кинескиот јазик - му биле потребни 4 месеци за да го научи!

Иако Мезофанти можел да зборува на јазикот на многу нации, во својот живот никогаш не излегол надвор од Италија! 

БРИТАНЕЦОТ БРАЈАН БЕК ПОМИНАЛ 694 ДЕНА НА СТАДИОНИ

Гледал 10.000 натпревари во живо

Премиерлига или дивизија од понизок ранг, важно да е фудбал. Педесет и деветгодишниот Британец Брајан Бак поминал 694 дена на стадионите низ Велика Британија и за тој период изгледал дури 10.000 фудбалски натпревари во живо.
Тој за првпат бил одведен на стадион во 1956 година, кога имал само четири години. Тоа бил натпревар помеѓу Кембриџ јунајтед и резервите на Колчестер јунајтед, одигран на стадионот "Абеј" во Кембриџ, и половина век подоцна, од истите трибини го проследил својот јубилеен 10.000. меч, на кој се сретнаа екипите на ЦРЦ и Брентам атлетик.
- Ќе гледам натпревари додека не умрам. Редовно ја гледам Премиерлигата, но уживам и доколку на стадионот има само тројца гледачи и куче. Се надевам дека ќе стигнам до бројката од 20.000 натпревари, но знам дека тоа ќе биде тешка задача. Ќе бидам задоволен и со 15.000 мечеви - посакува Бак.
Иако не му е важно кој е на теренот, Бак, сепак, има свој омилен клуб. Тој е голем навивач на Тотенхем и од 1968 година има пропуштено само еден натпревар на "мамузите" на домашен терен.
Тој го истакнува Французинот Давид Жинола како еден од најдобрите играчи кои ги гледал во живо, а од 3.000 британски стадиони на коишто бил, најголем впечаток му оставиле "Истлендс" на Манчестер сити, "Милениум" во Кардиф и новиот "Вембли".
- Најдобриот натпревар што го имам гледано е дуелот помеѓу Фулам и Сантос од 12 март 1973 година. Никогаш немам видено ништо подобро од она што тој ден го прикажаа Бразилците. Никој не беше подобар од Пеле, едноставно, ме воодушеви - призна Бак, додавајќи дека неговата сопруга не е толкав фан на фудбалот, но ги толерира сите негови отсуства од дома.